آسٹریلیا ، نیوزی لینڈ 2018ء میں مشترکہ طور پر سہ ملکی ٹی ٹونٹی سیریز کی میزبانی کریں گے

بدھ 14 دسمبر 2016 16:16

سڈنی ۔ (اُردو پوائنٹ اخبارتازہ ترین - اے پی پی۔ 14 دسمبر2016ء) آسٹریلیا اور نیوزی لینڈ 2018ء میں مشترکہ طور پر سہ ملکی ٹی ٹونٹی انٹرنیشنل کرکٹ سیریز کی میزبانی کریں گے، سیریز میں دونوں میزبانوں کے علاوہ انگلینڈ کی ٹیم ایکشن میں دکھائی دے گی۔ کرکٹ آسٹریلیا کی جانب سے جاری کردہ شیڈول کے مطابق سہ ملکی ٹی ٹونٹی سیریز کے ابتدائی تین میچز کی میزبانی آسٹریلیا جبکہ فائنل سمیت آخری چار میچز نیوزی لینڈ میں کھیلے جائیں گے۔

(جاری ہے)

سیریز کا آغاز 3 فروری کو آسٹریلیا اور نیوزی لینڈ کے درمیان میچ سے ہو گا، 7 فروری کو کینگروز کا مقابلہ انگلینڈ سے ہو گا، 10 فروری کو آسٹریلیا اور انگلینڈ کی ٹیمیں مدمقابل ہوں گی، 14 فروری کو نیوزی لینڈ کا مقابلہ انگلینڈ سے ہو گا، 16 فروری کو نیوزی لینڈ اور کینگروز ٹیمیں آمنے سامنے ہوں گی، سیریز کا چھٹا اور آخری میچ 18 فروری کو نیوزی لینڈ اور انگلینڈ کے درمیان کھیلا جائے گا جبکہ دو ٹاپ ٹیموں کے درمیان فائنل 21 فروری کو ہو گا۔