پاک آسٹریلیا ٹیسٹ سیریز ،گرین شرٹس کے پاس ٹیسٹ رینکنگ میں دوسری پوزیشن حاصل کرنے کا موقع
بدھ 14 دسمبر 2016 13:45
دبئی(اُردو پوائنٹ اخبارتازہ ترین - آئی این پی۔ 14 دسمبر2016ء) ٹیسٹ رینکنگ میں پاکستان کو پھر دوسری پوزیشن پر چھلانگ لگانے کا موقع مل گیا، چوتھے نمبر سے ترقی کیلئے آسٹریلیا کو کسی بھی مارجن سے زیر کرنا ہوگا، تین ٹیسٹ میچز کی سیریز میں ناکامی گرین کیپس کو پانچویں درجے پر پہنچا دے گی۔تفصیلات کے مطابق پاکستانی ٹیم نے گذشتہ ایک ماہ کے دوران ٹیسٹ رینکنگ میں الٹا سفر کیا، وہ ٹاپ سے چوتھے نمبر پر پہنچی مگر اب ایک بار پھر پہلی پوزیشن کی جانب واپسی کا موقع میسر آرہا ہے،اس کیلیے لازمی طور پر آسٹریلیا کو شکست دینا ہوگی۔
بھارت کی انگلینڈ پر سیریز فتح سے صورتحال کافی حد تک واضح ہوچکی، اب اگر انگلش ٹیم آخری میچ جیت بھی لے تو اس کے پوائنٹس 103 ہوجائیں گے، میزبان کے 4-0 سے سیریز اپنے نام کرنے پر اس وقت دوسرے نمبر پر موجود انگلش ٹیم کے 101 پوائنٹس باقی رہ جائیں گے۔(جاری ہے)
دونوں ہی صورتوں میں آسٹریلیا پر کسی بھی مارجن سے فتح گرین کیپس کو دوبارہ دوسرے نمبر پر پہنچا دے گی۔
اس وقت ٹیم کے پوائنٹس 102 جبکہ کینگروز 105 پوائنٹس کے ساتھ تیسرے نمبر پر ہیں۔گرین کیپس اگر وائٹ واش کریں تو ان کے پوائنٹس 108، 2-0 سے کامیابی پر 107 اور 1-0 سے فتح پر 105 پوائنٹس ہوجائیں گے۔ اگر پاکستان ٹیم آسٹریلیا کے ہاتھوں کسی بھی مارجن سے ناکام ہوئی تو اسے جنوبی افریقہ کی جگہ پانچویں نمبر پر جانا پڑے گا،البتہ سیریز ڈرا ہونے کی صورت میں گرین کیپس کو ایک پوائنٹ ملے گا اور وہ 103 پوائنٹس کی صورت میں چوتھے نمبر پر رہیں گے۔بھارت اس وقت 115 پوائنٹس کے ساتھ ٹاپ پر براجمان ہے ‘انگلینڈ سے سیریز کے اختتام پر وہ اپنے نمبرون اسٹیٹس کو مزید مضبوط کرلے گا، اس کے بعد اسے اپنے ملک میں ہی آسٹریلیا کا بھی سامنا کرنا ہے اس لیے فی الحال پوزیشن کو کوئی خطرہ دکھائی نہیں دیتا۔ نیوزی لینڈ اور سری لنکا 96، 96 پوائنٹس کے ساتھ چھٹے اور ساتویں نمبر پر موجود ہیں، ویسٹ انڈیز (69) اور بنگلہ دیش (65) آٹھویں اور نویں درجے پر ہیں، زمبابوے صرف پانچ پوائنٹس کے ساتھ سب سے آخر میں ہےمزید کھیلوں کی خبریں
-
ٹینس اسٹار عشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
سعودی عرب میں ہمیشہ محبت ملی، ریٹائرمنٹ کا کوئی اراد ہ نہیں ہے ، لیونل میسی
-
بنگلہ دیش اور سری لنکا کی کرکٹ ٹیموں کے درمیان دوسرا اورآخری ٹیسٹ میچ 30 مارچ سے شروع ہوگا
-
پاکستان نیوزی لینڈ ٹی ٹوئنٹی سیریزکی ٹکٹوں کی فروخت جمعہ سے شروع ہوگی۔
-
ٹینس اسٹارعشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
پنجاب کنگزکی نمائندگی کرنے والے سابق انگلش کرکٹرروی بوپارا نے دلچسپ واقعہ شیئرکردیا
-
میامی اوپن ٹینس مینزڈبلز، روہن بھوپنا اورمیتھیو ایبڈن سیمی فائنل میں پہنچ گئے
-
پاکستان اورنیوزی لینڈ کی کرکٹ ٹیموں کے مابین ٹی ٹونٹی سیریزکی ٹکٹوں کی فروخت 29 مارچ سے شروع ہو گی، ترجمان
-
بھارتی انتخابات: کانگریس کا ثانیہ مرزا کو حیدر آباد سے ٹکٹ جاری کرنے پر غور
-
ایشیا اوشیانا ورلڈ جونیئر ٹینس انڈر14 کوالیفائرز میں پاکستان نے اوزبکستان کو شکست دے کر کوارٹر فائنل میں جگہ بنالی
-
کپتان کی تبدیلی کی افواہیں، بابر اعظم کی چیئرمین پی سی بی محسن نقوی سے ملاقات
-
ممبئی انڈینز کے نئے کپتان پانڈیا کو شائقین کی جانب سے شدید تنقید کا سامنا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.