پاکستان انٹر نیشنل ایئر لائن کمپنی لمیٹڈ کے شیئر ہولڈرز کا اجلاس

منگل 13 دسمبر 2016 17:36

اسلام آباد ۔ (اُردو پوائنٹ اخبارتازہ ترین - اے پی پی۔ 13 دسمبر2016ء) پاکستان انٹر نیشنل ایئر لائن کمپنی لمیٹڈ (پی آئی اے سی ایل ) کے شیئر ہولڈرز کا اجلاس ممبر بورڈ آف ڈائریکٹر غیاث الدین کی زیر صدارت منعقد ہوا ۔جلاس میں پی آئی اے کے قائم مقام چیف ایگزیکٹو آفیسر برنڈ ہلڈن برانڈ اور سینئر افسران بھی موجود تھے۔ اجلاس کے آغاز میں 7 دسمبر کے سانحہ میں جاں بحق ہونے والوں کیلئے خصوصی دعا کی گئی۔

(جاری ہے)

شیئر ہولڈرز کو پی آئی اے کی پچھلے ایک سال کی کارکردگی کے بارے میں تفصیل سے آگاہ کیا گیا۔ انہیں بتایا گیا کہ ائر لائن کی شیڈول پروازوں کی باقاعدگی95 فیصد سے زائد ہے جبکہ پروازوں کی بروقت روانگی کا تناسب اب 85 فیصد ہے۔ پی آئی اے پریمئر سروس کا آغاز بھی کیا گیا ہے اور نئے مقامات کیلئے پروازیں بھی شروع کی گئی ہیں۔ سروس کے معیار کو بہتر بنانے پر بھی خصوصی توجہ دی گئی ہے۔ شیئر ہولڈرز کو بتایا گیا کہ حسب ضابطہ اس میٹنگ کی رپورٹ پہلے ہی سیکورٹی ایکسچینج کمیشن آف پاکستان اور شیئر ہولڈرز کو بجھوائی جا چکی ہے۔