ایبٹ آباد :حادثے کی جگہ سے جنید جمشید کی اہلیہ کا پرس مل گیا

فہد شبیر اتوار 11 دسمبر 2016 16:40

ایبٹ آباد (اُردو پوائنٹ اخبارتازہ ترین۔11دسمبر۔2016ء) ایبٹ آباد کے علاقے حویلیاں میں طیارے کے حادثے کی جگہ سے جنید جمشید کی اہلیہ کا پرس مل گیا ۔ پرس سے شناختی کارڈ اور جنید جمشید کی تصویر بھی ملی ہے۔چند روز قبل حویلیاں طیارہ حادثے کے بعد جائے حادثہ پر پڑے ملبہ سے مقامی لوگوں نےجنید جمشید کی اہلیہ کا پرس حاصل کیا جس میں نیہا جنید کا شناختی کارڈ اور جنید جمشید کی تصویر درست حالت میں موجود تھی ۔

(جاری ہے)

مقامی لوگوں نے پرس ضلعی انتظامیہ کے حوالے کر دیا جس کی ڈی پی او ایبٹ آباد خرم رشید نے بھی تصدیق کی ۔ نجی ٹی وی کے مطابق پرس کے ہمراہ جنید جمشید کی اہلیہ کا ذاتی دستی بیگ بھی ملا ہے۔ جس میں جنید جمشید کی 2 تصاویر، ذاتی دستاویزات، 4 سونے کی چوڑیاں، 3 گھڑیاں، 2 سونے کی انگوٹھیاں بالکل درست حالت میں ملی ہیں۔ ملنے والی تمام اشیاء کو پی آئی اے حکام سے سیل کر دیا ہے۔یاد رہے کہ سوشل میڈیا پر جنید جمشید کی اہلیہ کی تصدیق بارے مختلف خبریں گرم تھیں لیکن اب ان دستاویزات کے ملنے کے بعد تمام افواہیں دم توڑ‌گئیں ہیں۔

Facebook Twitter Google + Share on Whatsapp

ایبٹ آباد :حادثے کی جگہ سے جنید جمشید کی اہلیہ کا پرس مل گیا

متعلقہ عنوان :

مزید اہم خبریں