میری شخصیت فلموں سے بنی، شلپا شیٹھی

شلپا شیٹھی آخری مرتبہ 2014 کی فلم’’ڈھشکیاؤں‘‘ میں کام کرتی نظر آئیں تھیں

اتوار 11 دسمبر 2016 11:10

ممبئی (اُردو پوائنٹ اخبارتازہ ترین - این این آئی۔ 11 دسمبر2016ء)بولی وڈ اداکارہ شلپا شیٹھی نے اپنے اداکاری کے کیریئر میں بہت زیادہ کامیاب کام تو نہیں کیا، تاہم ان کی ایک اداکارہ ہونے کی حیثیت سے مقبول رہنے کی خواہش ہمیشہ سے تھی۔اداکارہ ہونے کے ساتھ ساتھ ایک کامیاب کاروباری خاتون شلپا شیٹھی کے مطابق وہ چاہتی ہیں کہ مداح انہیں ہمیشہ ایک اداکارہ کے طور پر یاد رکھیں۔

انڈین ایکسپریس کی ایک رپورٹ کے مطابق جب ایک ایونٹ کے دوران شلپا شیٹھی سے اداکاری چھوڑ کر بزنس وومن بننے کے حوالے سے سوال کیا گیا تو ان کا کہنا تھا کہ میں کبھی ایک کاروباری خاتون نہیں بنی، بات صرف یہ ہے کہ مجھے اپنی زندگی میں مختلف کام کرنا پسند ہے، ان میں سے کچھ میں میں کامیاب ہوئی جبکہ کچھ ناکام رہے، لیکن اپنے مداحوں کے لیے میں ہمیشہ ایک اداکارہ رہنا چاہتی ہوں، کیوں کہ میری شخصیت فلموں سے ہی بنی۔

(جاری ہے)

واضح رہے کہ اداکارہ شلپا شیٹھی کئی کامیاب ڈانس شوز کی جج بھی بن چکی ہیں، اس حوالے سے ان کا کہنا تھا کہ 'مجھے کامیاب شوز کا حصہ بن کر خوشی محسوس ہوتی ہے، یہ سب ہی کافی کامیاب ہیں۔شلپا شیٹھی کی شادی ہندوستان کے کامیاب بزنس مین راج کندرا سے 2009 میں ہوئی تھی، ان کی جوڑی کو ہندوستان کی کامیاب جوڑی بھی مانا جاتا رہا ہے۔اپنی فلموں میں واپسی کے حوالے سے شلپا شیٹھی کا کہنا تھا کہ میں نے اب تک اس کے حوالے سے نہیں سوچا۔شلپا شیٹھی آخری مرتبہ 2014 کی فلم’’ڈھشکیاؤں‘‘ میں کام کرتی نظر آئیں تھیں۔