میرا شوہر امیر آدمی ہے لیکن میں اس کے پیسے کو ہاتھ نہیں لگا سکتی‘ فیشن شوز میں ریمپ پر واک کر کے پیسے کماتی ہوں ‘سسرال والے برا سلوک کرتے ہیں‘ نند میری کامیابی اور خوشی سے جلتی ہے ‘عامر خان کی غیر موجودگی میں مجھ پر تشدد بھی کرتی ہے

ورلڈ چیمپئن باکسر عامر خان کی اہلیہ فریال مخدوم نے سسرالیوں کا بھانڈا پھوڑ دیا ‘سنیپ چیٹ پر دل کی بھڑاس نکال دی

جمعرات 8 دسمبر 2016 21:15

میرا شوہر امیر آدمی ہے لیکن میں اس کے پیسے کو ہاتھ نہیں لگا سکتی‘ فیشن ..
مانچسٹر (اُردو پوائنٹ اخبارتازہ ترین - آئی این پی۔ 08 دسمبر2016ء) پاکستانی نژاد برطانوی باکسر عامر خان کی اہلیہ فریال مخدوم نے اپنے سسرال والوں پر سنگین الزامات عائد کرتے ہوئے کہا کہ شوہر کی غیر موجودگی میں ان پر تشدد کیا جاتا ہے جب کہ مجھے طلاق دلوانے کے لیے عامر پر زور دیا گیا۔باکسر عامر خان کی اہلیہ فر یال مخدوم روایتی بہو ثابت ہوئیں۔

ساس سے جھگڑے کا ڈھنڈورا پوری دنیا میں پیٹ ڈالا۔ سنیپ چیٹ پر دل کی تمام بھڑاس نکال دی۔ پاکستانی نژاد برطانوی باکسر عامر خان کی اہلیہ نے ساس اور نند سے لڑائی کا قصہ پوری دنیا کو سنا دیا۔

(جاری ہے)

سنیپ چیٹ پر فر یال مخدوم کا کہنا تھا کہ اگر بہو کو برا بھلا ہی کہنا ہوتا ہے تو بیٹے کی شادی ہی نہ کریں۔فریال مخدوم کا کہنا تھا کہ میرا شوہر امیر آدمی ہے لیکن اس کے پیسے کو ہاتھ نہیں لگا سکتی، میں فیشن شوز میں ریمپ پر واک کر کے پیسے کماتی ہوں لیکن اس کے باوجود سسرال والے برا سلوک کرتے ہیں، میری نند میری کامیابی اور خوشی سے جلتی ہے اورعامر خان کی غیر موجودگی میں مجھ پر تشدد بھی کرتی ہے، سسرال والوں نے مجھے طلاق دلوانے کے لیے عامر پر زور دیا ہے۔

واضح رہے عالمی شہرت یافتہ باکسر عامر خان اور فریال کی شادی 31 مئی 2013 کو ہوئی تھی۔

متعلقہ عنوان :