نادرا نے کمپیوٹرائزڈ قومی شناختی کارڈ کی دوبارہ مہم کے دوران 9کروڑ 50لاکھ 25ہزار 546 کمپیوٹرائزڈ قومی شناختی کارڈز کی کامیابی سے تصدیق کی، مہم کے دوران 3630 غیر ملکیوں نے رضاکارانہ طور پر اپنی پاکستانی شناخت واپس کی، پاکستان بھر میں خاندانی سربراہوں کو نادرا کی جانب سے بھیجے گئے 14 ملین ایس ایم ایس کے نتیجے میں اب تک 66 ہزار سے زائد مداخلت کاروں کی نشاندہی ہوئی
وزیر داخلہ چوہدری نثار علی خان کو اجلاس کے دوران بریفنگ
بدھ 7 دسمبر 2016 23:23
(جاری ہے)
وزیر داخلہ نے اس بھاری بھر کام پر اطمینان کا اظہار کرتے ہوئے نادرا کو ہدایت کی کہ کمپیوٹرائزڈ قومی شناختی کارڈز کی دوبارہ تصدیق کے لئے ایک مستقل اور جاری میکنزم تیار کیا جائے جو سال بھر جاری رہے تاکہ غیر قانونی ذرائع سے پاکستانی شناخت حاصل کرنے والے کسی بھی اجنبی کی روک تھام کی جاسکے۔
وزیر داخلہ نے امیگریشن اور پاسپورٹ ڈائریکٹوریٹ اور نادرا کو ہدایت کی کہ بیرون ملک جہاں زیادہ تعداد میں پاکستانی ہیں ان کو پاسپورٹ اور کمپیوٹرائزڈ قومی شناختی کارڈ کی بہتر سہولت اور مانیٹرنگ کی جائے۔ وزیر داخلہ نے ڈائریکٹوریٹ جنرل آف امیگریشن اینڈ پاسپورٹ کو مزید ہدایت کی کہ وہ پاکستانیوں کو آن لائن پاسپورٹ سسٹم کی فراہمی میں خامیوں کو دور کریں۔ انہوں نے کہا کہ ہمیں عوام کو بہتر سہولیات فراہم کرنی ہیں۔ وزیر داخلہ نے ایف آئی اے کو ہدایت کی کہ اشتہاری ملزموں کی گرفتاری کے لئے ایک جامع سٹریٹجی تیار کی جائے۔ انہیں بتایا گیا ہے کہ ایف آئی اے نے 439 اشتہاری ملزموں کو گرفتار کیا ہے جبکہ آئی سی ٹی پولیس نے 3ہزار اشتہاری ملزموں کو گرفتار کیا جو مختلف مقدمات میں مطلوب تھے۔ وزیر داخلہ نے اشتہاری ملزمان کی گرفتاری کے لئے اپنی ہدایات پر عملدرآمد پر اطمینان کا اظہار کرتے ہوئے کہا کہ ایف آئی اے ‘ آئی سی ٹی پولیس اور نادرا کو اشتہاری ملزمان کے کمپیوٹرائزڈ قومی شناختی کارڈز بلاک کرنے کے ایشو کا جائزہ لینا چاہیے۔ ان کی فوری گرفتاری کو یقینی بنانا چاہیے۔ وزیر داخلہ نے آئی سی ٹی انتظامیہ سے کہا کہ وہ اپنی حدود میں ایجنٹ مافیا کا مکمل خاتمہ کریں اور ناقص اشیاء خوردنی میں ملاوٹ کرنے والوں اور پیشہ ور بھکاریوں کے خلاف کارروائی کریں۔ آئی سی ٹی پولیس نے وزیر داخلہ کو وفاقی دارالحکومت میں امن و امان کی صورتحال سے آگاہ کیا اور گزشتہ چند سالوں کے دوران جرائم کی شرح کا جامع تجزیہ پیش کیا۔ وزیر داخلہ کو بتایا گیا کہ نئے 73 پاسپورٹ آفسز کی آخری تاریخ فروری 2017ء ہے جس کے بعد ہر ضلع میں پاسپورٹ آفس قائم ہوگا۔متعلقہ عنوان :
مزید قومی خبریں
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
مہنگی مرغی، حکومت کا چوزے کی برآمد پرپابندی عائد کرنے کا فیصلہ
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
-
بختاوربھٹو بھی مریم نواز کی معترف
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
لاہور میں 50 مقامات پر مفت انٹرنیٹ سروس کا آغاز
-
ملک کو نوجوان نسل سے بڑی توقعات وابستہ ہیں،طالبات وخواتین مستقل مزاجی سے کام کریں گی تو قدم قدم پر کامیابی ان کا مقدر ہو گی،گورنر پنجاب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.