حافظ آباد‘کار اور طلبہ وین میں تصادم ‘وین ڈرائیور جاں بحق‘ 2بچے زخمی

بدھ 7 دسمبر 2016 23:10

حافظ آباد (اُردو پوائنٹ اخبارتازہ ترین - آئی این پی۔ 07 دسمبر2016ء) حافظ آباد میںمدینہ چوک کے قریب کار اور طلبہ وین میں تصادم کے نتیجہ میں وین ڈرائیور ہلاک جبکہ دو بچے معمولی ذخمی ہوگئے۔ تفصیلات کے مطابق خالد ڈرائیور کیری ڈبہ میں پندرہ طلبہ و طالبات کو نواحی گائوں ونی سے لیکر شہر کی طرف آرہا تھا ۔

(جاری ہے)

جب وہ مدینہ چوک کے قریب پہنچا تو مخالف سمت سے آنے والی کار نمبری 5009LEجسے عبدالرحمن ولد غلام مرتضی چلا رہا تھا ۔وہ دھندکے باعث طلبہ کی وین سے ٹکراگئی ۔جس کے نتیجہ میں وین ڈرائیور خالد شدید ذخمی ہوگیاجبکہ دو طلبہ کو بھی معمولی خراشیں آئیں۔ ڈرائیور خالد کو تشویشناک حالت میں ھسپتال لیجایا گیا جہاں وہ ذخموں کی تاب نہ لاتے ہوئے دم توڑ گیا۔