یونیورسٹی آف بلوچستان اور مومنا چیماء فائونڈیشن لاہور پاکستان مابین مفاہمتی یادداشت پر دستخط

کوئٹہ (اُردو پوائنٹ اخبارتازہ ترین - آئی این پی۔ 07 دسمبر2016ء) یونیورسٹی آف بلوچستان اور مومنا چیماء فائونڈیشن لاہور پاکستان کے مابین ایک مفاہمتی یادداشت کے سمجھوتے پر دستخط ہوئے۔ باہمی سمجھوتے کے یادداشت پر جامعہ کے وائس چانسلر ڈاکٹر جاوید اقبال اور چیماء فائونڈیشن کے لاہور کے چیئرپرسن محترمہ طیبہ ضیاء چیماء نے باہمی رضاہ مندی کے تحت دستخط کئے اس موقع پر رجسٹرار محمد طارق جوگیزئی، ٹریڑرار جیند خان جمالدینی،ایم سی ایف کے نمائندہ ڈاکٹر محمد زیشان دانش، شعبہ فارمیسی کے انچارج غلام زراق شاہوانی اور دیگر نمائندگان بھی موجود تھے۔

مفاہمتی سمجھوتے کے تحت دونوں ادارے ایک دوسرے کے باہمی مفاد کو مدنظر رکھتے ہوئے مختلف عالمی شعبوں میں مشترکہ طور پر تعاون و اشتراک عمل کو بروء کار لائے گی۔

(جاری ہے)

ایم سی ایف جامعہ کے پروفیشنل ڈگری فارمیسی، لاء کے طلباء وطالبات کو سالانہ بنیادوں پر اسکالرشپ مہیا کرے گی جو کہ ڈگری کے حصول تک مالی معاونت جاری رہے گی اور تمام اسکالرشپ میرٹ کی بنیاد پر زہین اور ضرورت مند طلبہ کو فراہم کی جائے گی۔

دونوں ادارے تحقیقی سرگرمیوں کو فروغ دیں گے۔ تختلیقی موضوعات کی اشاعت کے لئے مشترکہ طور پر تعاون کیا جائے گا، ٹیچنگ و نان ٹیچنگ اسٹاف کے تبادلوں اور تربیتی سرگرمیوں کو مشترکہ طور پر فروغ دیا جائے گا۔ مختلف تعلیمی، تحقیقی سرگرمیوں، ورکشاپ، سیمینار کا انعقاد کیا جائے گا تاکہ ایک دوسرے کے تعاون کو بروء کار لاتے ہوئے تعلیم کے اصل مقاصد حاصل کئے جاسکیں۔

اس موقع پر جامعہ کے وائس چانسلر نے کہا کہ اداروں کی ترقی اور دور حاضر کے چیلنجز کا مقابلہ کرنے کے لئے ایک دوسرے سے تعاون اور مشترکہ طور پر تعلیمی، تحقیقی سرگرمیوں کو فروغ دینا وقت کی اہم ضرورت ہے اور جامعہ نے اس مقصد کے لئے ملکی و بین الاقوامی اداروں کے ساتھ باہمی سمجھوتوں کو عملی جامہ پہنایا ہے۔ انہوں نے کہا کہ ایم سی ایف کی جانب سے جامعہ کے طلبہ کو اسکالرشپ کے لئے منتخب کرنا انتہائی خوش آئند اقدام ہے اور دیگر تعلیمی و تربیتی سرگرمیوں کو مشترکہ طور پر پروان چڑھانے سے یقیناًً اعلیٰ تعلیم کے حصول اور ترقی کی جانب گامزن ہونے کی جانب اہم پیش رفت ثابت ہوگی۔

ایم سی ایف کے چیئرپرسن نے کہا کہ جامعہ بلوچستان کے ساتھ مفاہمتی یادداشت سے دونوں اداروں کے درمیان مثالی روابت قائم کی جائیں گی۔ جامعہ بلوچستان جو کہ ایک بہت بڑی علمی درسگاہ ہے۔ جس کی رہنمائی اور تجربات سے استفادہ کرتے ہوئے اہم تعلیمی مقاصد حاصل کئے جاسکتے ہیں۔ انہوں نے اسکالرشپ پروگرام کے پہلے مرحلے کا چیک وائس چانسلر کو پیش کیا اور دونوں جانب سے باقاعدہ طور پر یادداشت کا تبادلہ کیا گیا۔