دو موٹر سائیکلوں میں تصادم، ایک نوجوان جاں بحق، 3افراد شدید زخمی

بدھ 7 دسمبر 2016 20:11

چیچہ وطنی۔7 دسمبر(اُردو پوائنٹ اخبارتازہ ترین - اے پی پی۔ 07 دسمبر2016ء) کمالیہ روڈ پر11موڑ کے قریب دو موٹر سائیکلوں کا آپس میں تصادم ایک نوجوان جاں بحق جبکہ تین شدید زخمی ہو گئے ۔

(جاری ہے)

تفصیلات کے مطابق کمالیہ روڈ پردو موٹر سائیکلوں پر سوار چار نوجوان باتیں کرتے ہوئے جارہے تھے کہ تیز رفتاری کے باعث دونوں موٹر سائیکلیں آپس میں ٹکرا گئیں اور گر کر شدید زخمی ہو گئے اور 30سالہ محمد عثمان محلہ مدینہ آباد کمالیہ زخموں کی تاب نہ لاتے ہوئے موقع پر جاں بحق ہو گیاجبکہ محمد بلال ،ریاست علی اور ثناء اللہ سکنہ کمالیہ شدید زخمی ہو گئے۔جنہیں ریسکیو1122 کے عملہ نے تحصیل ہیڈ کوارٹر ہسپتال منتقل کیا۔