چترال سے اسلام آباد آنے والا پی آئی اے کا مسافر طیارہ پی کے 661حویلیاں کے قریب گر کر تباہ ہوگیا
طیارے میں 42مسافر سوار تھے‘ پاک فوج کے علاوہ دیگر امدادی اداروں نے جائے حادثہ پر پہنچ کر امدادی کارروائیاں شروع کردیں
بدھ 7 دسمبر 2016 18:56
اسلام آباد ۔ (اُردو پوائنٹ اخبارتازہ ترین - اے پی پی۔ 07 دسمبر2016ء) چترال سے اسلام آباد آنے والا پی آئی اے کا مسافر طیارہ پی کے 661حویلیاں کے قریب گر کر تباہ ہوگیا ‘طیارے میں 42مسافر سوار تھے‘ پاک فوج کے علاوہ دیگر امدادی اداروں نے جائے حادثہ پر پہنچ کر امدادی کارروائیاں شروع کردیں۔ بدھ کو معمول کے مطابق پی آئی اے کا مسافر طیارہ پی کے 661‘ 42مسافروں کو لیکر چترال سے اسلام آباد کے لئے 3بجکر 50منٹ پر روانہ ہوا اور اپنے مقررہ روٹ پر سفر کرتا ہوا حویلیاں کے قریب یہ مسافر طیارہ لاپتہ ہوگیا۔
بعد ازاں ایوی ایشن ڈویژن سمیت دیگر متعلقہ اداروں نے طیارہ گر کر تباہ ہونے کی تصدیق کردی۔ پاک فوج کی امدادی ٹیمیں بشمول ہیلی کاپٹر اور میڈیکل ٹیمیں جائے حادثہ پر پہنچ گئیں اور امدادی کارروائیاں شروع کردیں۔(جاری ہے)
طیارے میں سوار تمام 42 مسافروں اور عملے کے 5 ارکان کے جاں بحق ہو جانے کے امکان ظاہر کیا جا رہا ہے۔ مسافروں میں معروف نعت خواں جنید جمشید اور ان کی اہلیہ بھی موجود تھے۔
اب تک کل 5 مسافروں کی لاشیں نکالی جا چکی ہیں. طیارے میں سوار 47 افراد میں پائلٹ صالح جنجوعہ اور کوپائلٹ آل اکرم سمیت ایک ٹرینی پائلٹسوار تھے۔ جبکہ طیارے میں 2 ایئرہوسٹس صدف فاروق اور عاصمہ عادل سوار تھیں۔ طیارے میں سوار افراد میں معروف مذہبی اسکالر اور نعت خواں جنید جمشید، ان کی اہلیہ نیہا جمشید سمیت ڈی سی چترال اسامہ وڑائچ ، علی حسن ، قیصر عابد ، آمنہ احمد، محمد عتیق ، حاجی نواز، علی محمد ، محمد خان ، اختر محمود ، فرخ ناز، فرحت عزیز ، احسان ، احترام الحق ، عائشہ ، علی اکبر ، گل مرز ، عاطف محمود ، عتیق محمد ، علی گوہر ، ہوران گل اور حاجی نواز سمیت 47 افراد سوار تھے ۔ طیارے میں تین غیر ملکی افراد چینگ ہان ، ہیروگ ایکلر اور ہیرالڈ کیسلر بھی سوار تھے۔ طیارے میں سوار افراد میں 31 مرد، 9 خواتین اور تین شیر خوار بچے بھی یموجود تھے.متعلقہ عنوان :
مزید اہم خبریں
-
وفاقی وزیر داخلہ محسن نقوی کی وزیر اعلیٰ ہاؤس پشاور آمد
-
صدرمملکت آصف علی زرداری سے برطانوی ہائی کمشنر جین میریٹ کی ملاقات
-
ٹوبہ ٹیک سنگھ میں بھائی کے ہاتھوں بہن کے قتل کے حوالے سے ہولناک انکشافات
-
وزیراعلیٰ پنجاب مریم نواز کی زیر صدارت اجلاس ،کسانوں کیلئے انقلابی و تاریخی اقدامات کا فیصلہ
-
وزیراعلیٰ پنجاب مریم نوازکا لاہوررنگ روڈ سدرن لوپ تھری پراجیکٹ کا دورہ ، منصوبہ جلد مکمل کرنے کا حکم
-
سائنسی بنیاد پر رمضان کا چاند 29 کا ہونے کا امکان
-
وزیراعلی مریم نوازکی زیر صدارت اجلاس، پنک راک سالٹ کی خام حالت میں برآمدپر پابندی پراتفاق
-
چوہدری پرویزالہٰی کی سی ٹی اسکین رپورٹ ڈاکٹرز کو موصول
-
نیپرا نے کےالیکٹرک سمیت ملک بھر کیلئے بجلی مہنگی کردی
-
چئیرمین رویت ہلال کمیٹی نے پاکستان میں سائنسی بنیاد پر عید الفطر کی تاریخ بتا دی
-
پنجاب حکومت کا کاشتکاروں کو60 فیصد سبسڈی پر 56 اقسام کی زرعی مشینری دینے کا فیصلہ
-
گزشتہ تین روز میں سونے کی فی تولہ قیمت میں 2 ہزار800 روپے بڑا اضافہ ہوگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.