ڈی آئی جی ہزارہ کی زیر صدارت ریجنل پولیس آفس میں ڈیپارٹمنٹل پروموشن کمیٹی کا اجلاس

پیر 5 دسمبر 2016 21:09

ایبٹ آباد۔ (اُردو پوائنٹ اخبارتازہ ترین - اے پی پی۔ 05 دسمبر2016ء) ڈی آئی جی ہزارہ محمد سعید خان وزیر کی زیر صدارت ریجنل پولیس آفس میں سوموار کو ڈیپارٹمنٹل پروموشن کمیٹی کا اجلاس منعقدا۔ جس میں ہزارہ ریجن کے تمام اضلاع کے ڈی پی اوز نے شرکت کی۔ ڈی آئی جی ہزارہ نے اعلیٰ کارکردگی اور سنیارٹی لسٹ پر آنے والے ہزارہ ریجن کے 32 اے ایس آئی کو ایس آئی کے عہدے پر ترقی دی . جس میں ضلع ہری پور کے 7، ایبٹ آباد کے 4، مانسہرہ کے 5، بٹگرام کے ایک اور ضلع کوہستان کے 6، سی ٹی ڈی کے 7 اور پی ٹی سی ہنگو کے دو اے ایس آئی کو ترقی دی گئی۔

اس کے علاوہ ہزارہ ریجن پولیس کے 89 ہیڈ کانسٹیبلان کو جن میں ضلع ہری پور کے 15، ایبٹ آباد کی21، مانسہرہ کی25، بٹگرام کی7، تورغر کے 10، ضلع کوہستان کی7، سی ٹی ڈی کے 3 اور ایلیٹ کے ایک ہیڈ کانسٹیبلان کو اے ایس آئی کے عہدے پر ترقی دی گئی جس کا نوٹیفکیشن بھی جاری کر دیا گیا ہے۔

(جاری ہے)

ڈی آئی جی ہزارہ محمد سعید خان اور تمام ڈی پی او صاحبان نے ترقی پانے والے پولیس افسران کو مبارکباد پیش کی۔ ڈی آئی جی ہزارہ نے کہا کہ وہ ترقی پانے والے تمام پولیس افسران سے یہ امید کرتے ہیں کہ یہ آئندہ بھی اپنے فرائض منصبی احسن طریقہ سے سرانجام دیں گے اور ہزارہ پولیس کا نام خیبر پختونخوا اور پورے ملک میں روشن کریں گے۔

Facebook Twitter Google + Share on Whatsapp

ڈی آئی جی ہزارہ کی زیر صدارت ریجنل پولیس آفس میں ڈیپارٹمنٹل پروموشن کمیٹی کا اجلاس

متعلقہ عنوان :

مزید قومی خبریں