پاکستان اسٹاک ایکسچینج میں سرمایہ کار سرگرم ہوگئے۔ کاروباری ہفتے کے آغاز پر حصص بازار میں سرمایہ کاروں کی جانب سے خریداری کا رجحان

میاں محمد ندیم پیر 5 دسمبر 2016 13:42

کراچی(اردو پوائنٹ اخبارتازہ ترین-انٹرنیشنل پریس ایجنسی۔05 دسمبر۔2016ء) پاکستان اسٹاک ایکسچینج میں سرمایہ کار سرگرم ہوگئے۔ کاروباری ہفتے کے آغاز پر حصص بازار میں سرمایہ کاروں کی جانب سے خریداری کا رجحان دیکھا جارہا ہے۔ کاروبار کے دوران ہنڈرد انڈیکس 285 پوائنٹس اضافے سے 43 ہزار 550 کی نئی بلند سطح بھی عبور کرگیا۔

(جاری ہے)

معاشی تجزیہ کاروںکا کہنا ہے کہ اوپن مارکیٹ میں ڈالرکی قدر میں مسلسل اضافے پر سرمایہ دارکچھ محتاط ہوگئے تھے لیکن حکومتی اقدامات کے بعد روپے کی قدر میں بہتری اور ڈالر سستا ہونے پر سرمایہ کاروں کا اعتماد بحال ہوا۔

اس کے ساتھ ہی عالمی مارکیٹ میں خام تیل کی قیمتوں میں گذشتہ ایک ہفتے کے دوران 13 فیصد اضافے پر سرمایہ کاروں کی جانب سے شیئرز کی خریداری پر حصص بازار میں تیزی کا رجحان ہے۔