کوہاٹ ، جرائم پیشہ افراد خصوصاً سنگین وارداتوں میں مطلوب اشتہاریوں،منشیات فروشوں،سمگلروں،سود خوروں اور بھتہ خوروں کے خلاف آپریشنل کاروائی کا فیصلہ
آپریشن کو مئوثراور نتیجہ خیز بنانے کیلئے ضلع بھر میں جرائم پیشہ افراد کی فہرستیں تیار
جمعہ 2 دسمبر 2016 20:37
(جاری ہے)
اجلاس کے دوران ڈی پی او کوہاٹ نے پولیس افسران پر دوٹوک الفاظ میں واضح کر دیا کہ وہ علاقائی سطح پر امن وامان کی مجموعی صورتحال کو یقینی بناتے ہوئے مجرمانہ سرگرمیوں میں ملوث عناصر کے خلاف سخت قانونی کاروائی عمل میں لائیں۔
انہوں نے کہا کہ دہشتگردی،قتل واقدام قتل،ڈکیتی ،اغواء برائے تاوان اور دیگر سنگین مقدمات میں مطلوب اشتہاری مجرمان کی گرفتاری کیلئے بلا تاخیر اور بھر پور قوت سے کاروائی عمل میں لائی جائے جبکہ انکے سہولت کاروں کو بھی گرفتار کرکے انکے خلاف بھی سخت ترین قانونی کاروائی میں کوئی کسر نہ چھوڑی جائے۔ڈی پی او نے کہاکہ معاشرے سے منشیات کے ناسور کے خاتمے کیلئے منشیات فروشوں اور سمگلروں کے خلاف بلا خوف و امتیاز اقدامات اٹھائے جائیںاور اس سلسلے میں کسی بھی غفلت اور کمزوری کو آڑے نہیں آنے دیا جائے۔سود خوروں کے خلاف نتیجہ خیز کاروائی کی ہدایات جاری کرتے ہوئے ڈی پی او کا کہنا تھا کہ اللہ تعالیٰ کی خوشنودی اور لوگوں کی بھلائی کیلئے سود کے کاروبار سے وابستہ افراد کی سرکوبی انتہائی ضروری امر ہے جو اپنی لالچ کے حوص کو مٹانے کی خاطر عوام کو لوٹنے کے قبیح عمل میں مصروف عمل ہیں۔انہوں نے کہا کہ بھتہ خوری اور اغواء برائے تاوان ہمارے لئے بڑا چیلنج اور معاشرے میں بسنے والے ہر طبقے کے افراد کیلئے وبال جان ثابت ہورہی ہے لہٰذا ایسے چیلنجنگ جرائم کا مئوثر منصوبہ بندی کے تحت سد باب بے حد ناگزیر ہے ۔انہوں نے کہا کہ نان کسٹم پیڈ گاڑیوں کی سمگلنگ روکنے کیلئے کسی بھی کاروائی سے گریز نہیں کیا جائے گا اور اس دھندے میں ملوث افراد خواہ کتنے ہی بااثر کیوں نہ ہو انکے خلاف سخت قانونی کاروائی عمل میں لائی جائے گی۔ڈی پی او نے کہا کہ مجرمانہ سرگرمیوں میں ملوث افراد کی فہرستیں مرتب کرکے انکے خلاف مرحلہ وار آپریشن کی تمام تیاریاں مکمل کرلی گئی ہیں۔انہوں نے پولیس افسران پر زور دیا کہ وہ تمام تر وسائل بروئے کار لاتے ہوئے اپنے علاقائی حدود میں موجود جرائم پیشہ افراد کے تائب ہونے تک انکے خلاف پے در پے کاروائیاں جاری رکھیں اور انہیں چھین سے نہ بیٹھنے دیا جائے۔متعلقہ عنوان :
مزید قومی خبریں
-
مفکر پاکستان شاعرمشرق ڈاکٹر سر علامہ محمد اقبال کا یوم وفات 21اپریل( اتوار) کو منایا جائے گا
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
عوام بے خوابی سے بچنے کیلئے چائے کا بائیکاٹ کریں،عبد الرحیم جانو
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.