راحیل شریف کو سیاسی آلودگی ختم کرنے کیلئے جماعت اسلامی میں شمولیت کی دعوت، پنجاب اسمبلی نے قانون سازی کا نیا ریکارڈ بنا لیا ، زراعت پر بحث کے وقت ایوان میں صرف چھ اراکین رہ گئے
محمد علی جمعرات 1 دسمبر 2016 18:21
لاہور ( اْردو پوائنٹ اخبارتازہ ترین-ا نٹرنیشنل پر یس ایجنسی۔ یکم دسمبر ۔2016ء ) جماعت اسلامی نے ملک کو دہشت گردی سے پاک کرنے کی طرز پر سیاست کو آلودگی سے پاک کرنے کیلئے حال ہی میں پاک فوج کے ریٹائر ہونے والے سربراہ راحیل شریف کو جماعت اسلامی میں شمولیت کی دعوت دیدی ہے ۔یہ دعوت پنجاب اسمبلی میں جماعت اسلامی کے پارلیمانی لیڈر داکٹر وسیم اختر نے اسمبلی کے اجلاس کے دوران دی ہے اور ملک سے دہشت گردی کے خاتمے کیلئے ان کی کوششوں کو شاندار الفاظ میں خراجِ تحسین پیش کیا ہے ۔
ملک میں سیاسی صورتحال کا ذکر کرتے ہوئے ڈاکٹر وسیم اختر نے کہا میں دعوت دیتا ہوں کہ جنرل ریٹائرڈ راحیل شرف قانون کے تحت دو سالہ مدت پوری ہونے کے بعد جماعت اسلامی میں شامل ہوجائیں تاکہ وہ ملکی سیاست میں اسی طرح آلودگی ختم کرسکیں۔(جاری ہے)
جیسے انہوں نے آرمی چیف کی حیثیت سے فوجی آپریشن کرکے ملک سے دہشت گردی ختم کرنے اور ملک میں امن و امان قائم کرنے کیلئے اہم کردار ادا کیا۔
اس پیشکش کے جواب میں جب وزیر ہاؤسنگ ملک ندیم کامران نے اپنی سیاسی حیثیت اور پارٹی پوزیشن کی پرواہ کیے بے بغیر مسکراتے ہوئے استفسار کیا کہ وہ جماعت اسلامی میں جنرل ریٹائرڈ راحیل شریف کو عہدہ کیا دینگے تو ڈاکٹر وسیم اختر نے کہا کہ وہ حکومت کے وزیر کی طرف سے اٹھائے جانے والے ایسے کسی سوال کا یہاں جواب نہیں دینا چاہتے ۔ اس مرحلے پر سپیکر نے م مداخلت کرتے ہوئے اس معاملے پردونوں کا مکالمہ روک دیا ۔ اجلاس کے دوران اپوزیشن رکن احسن ریاض فتیانہ کو بیوروکریٹس اور ججوں کی دہری شہریت کا معاملہ اٹھانے کی اجازت نہ مل سکی ، انہوں نے سپیکر سے درخواست کی سیاستدانوں کی دہری شہریت کا معاملہ تو ہر سطح پر اٹھایا گیا ہے لیکن جوڈیشری اور بیوروکریسی میں دہری شہریت کے حامل عہدیداروں کے خلاف بات کرنے کی اجازت نہیں دی جاتی ، انہوں نے اس ضمن میں اسمبلی سیکرٹریٹ میں ایک قرارداد بھیجمع کرفوائی تھی لیکن انہیں بتایا گیا وہ رولز کے بجائے سپیکر کے صوبدیدی اکتیارات کے تحٹ روک دی گئی ، وہ سپیکر سے درخواست کرتے ہیں کہ اپنے صوابدیدی اختیارات استعمال کرتے ہوئے ان کی قرارداد ایوان میں پیش کرنے کی اجازت دیں ، سپیکر نے انہیں مزید بات کرنے سے روقک دیا اعر کہا وہ مجھے چیمبر میں آکر مل لیں ۔ اجلاس کے دوران ایوان نے چار مسوداتِ قانون بھی منظور کیے اور وزیر قانون نے کہا کہ یہ اسمبلی اب تک ایک سو سینتیس بل منظور کرنے کا ریکارد بنا چکی ہے جبکہ اس سے پہلے اس نے اپنی پچھلی مدت میں ائیک سو چونتیس بل منظور کرنے کا ریکارڈ بنایا تھا ، اس طرح ہم نے اپنا ہی ریکارڈ توڑا اورنیا بنایا اور امید ہے کہ اسمبلی کی مدت ختم ہونے تک دو سو بل منظور کرلیں گے ، ان کا کہنا تھا کہ کسی دوسری اسمبلی نے پنجاب اسمبلی جتنی قانون سازی نہیں کی جو ارکانِ اسمبلی کو باعثِ فخر ہے ، سپیکر نے اراکین کو اس ریکارڈ قانون سازی پر مبارکباد پیش کی ۔ اجلاس کے دوران زراعت پر عام بحث بھی کی گئی ، قابلِ ذکر امر یہ ہے کہ ایوان مٰن زراعت کے شعبے سے تعلق رکھنے والے ارکان کی اکثریت ہونے کے باوجود زراعت پر بحث کے وقت صرف چھ اراکین موجود تھے ۔متعلقہ عنوان :
مزید مقامی خبریں
-
ضمنی انتخابات میں کامیابی گجرات کے عوام کی چوہدری شجاعت حسین سے والہانہ محبت اور اعتماد کا عملی ثبوت ہے۔ خواجہ رمیض حسن
-
صوبائی محتسب پنجاب کی ہدایت پر مختلف صوبائی محکموں نے 13درخواست گزار افراد کے زیر التواء 1کروڑ 36لاکھ سے زائد کے واجبات ادا کر دیئے
-
روٹی کی قیمت میں کمی کے احکامات کو پوری طرح نافذ کروائیں گے تندور مالکان قیمت اور وزن کا خیال رکھیں ورنہ سخت قانونی کاروائی کیلئے تیار رہیں ڈی سی جہلم کی مختلف تندور وں کی چیکنگ کے دوران وارننگ
-
پنجاب بھر میں صحت کی بہترین سہولیات فراہم کرنے کیلئے اربوں روپے خرچ کئے جارہے ہیں، سیکرٹری صحت پنجاب علی جان خان
-
نانبائی ایسوسی ایشن کو سرکاری ریٹ پر روٹی نان کی فروخت یقینی بنانا ہو گا، عوام کو ریلیف فراہم کرنا ہم سب کی زمہ داری ہے، ڈپٹی کمشنر جہلم
-
عید الفطر کے بعد بھی پرائس کنٹرول کا کام تیزی سے جاری رکھا جائے تاکہ عوام کو خود ساختہ مہنگائی سے بچایا جا سکے ، ڈپٹی کمشنر جہلم
-
بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن
-
HBK کے تعاون سے پشاور پریس کلب رمضان سپورٹس گالا اختتام پزیر
-
پاکستان میں مذہبی انتشار اور انتہا پسندی کی کوئی گنجائش نہیں۔ خواجہ رمیض حسن
-
پاکستان سمیت دنیا بھر میں بسنے والی مسیحی برادری کو ایسٹر کی مبارکباد پیش کرتے ہیں۔خواجہ رمیض حسن
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
کالا باغ ڈیم کی تعمیر سستی اور بھرپور بجلی بنانے کی صلاحیت رکھتے ہوئے کامیاب ترین منصوبہ ثابت ہوگا۔ رہنما مسلم لیگ ق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.