بالی وڈ میں ہر روز نئی لڑائی لڑنی پڑتی ہے،اداکارہ پراچی ڈیسائی

جمعرات 24 نومبر 2016 14:55

ممبئی ۔ (اُردو پوائنٹ اخبارتازہ ترین - اے پی پی۔ 24 نومبر2016ء) بالی وڈ اداکارہ پراچی ڈیسائی نے کہا ہے کہ بالی وڈ ایک میدان جنگ کی طرح ہے جہاں ہر روز لڑائی لڑنی پڑتی ہے۔

(جاری ہے)

اداکارہ پراچی ڈیسائی نے اپنے ایک تازہ انٹرویو میں کہا ہے کہ ان کو بالی وڈ میں اپنا الگ مقام بنانے کے لئے بہت محنت کرنی پڑی کیونکہ ان کے والد کوئی فلم پروڈیوسر نہ تھے جو ان کے لئے فلمیں بناتے،انھوں نے کہا کہ میں نے ہمیشہ بہت سوچ سمجھ کر کسی فلم کو قبول کیا تاکہ میرے پہ کسی ایک کردار کی چھاپ نہ لگے میں مختلف کرداروں کو کرنے کی جستجو میں لگی رہی،انھوں نے کہاکہ وہ جب بالی وڈ میں آئیں تو ان کی عمر صرف 19 سال تھی لیکن پہلا کردار ہی اتنا پختہ قبول کیا کی میری اصل عمر کسی کو نظر ہی نہ آئی۔

انھوں نے ایک سوال کے جواب میں کہا کہ بالی وڈ میں اپنی بقا کے لئے ہر روز ایک نئی جنگ لڑنی پڑتی ہے اگر آگے بڑھنے کاجذبہ ہے تو آپ مسلسل جدوجہد میں ہوتے ہیں۔

Facebook Twitter Google + Share on Whatsapp

بالی وڈ میں ہر روز نئی لڑائی لڑنی پڑتی ہے،اداکارہ پراچی ڈیسائی

متعلقہ عنوان :

مزید فن و فنکار کی خبریں