رواں ماہ اوورلوڈنگ پر134گاڑیوں کے چالان کئے، عروج فاطمہ

پیر 21 نومبر 2016 19:12

مظفر گڑھ۔21 نومبر(اُردو پوائنٹ اخبارتازہ ترین - اے پی پی۔ 21 نومبر2016ء)ڈسٹرکٹ ریجنل ٹرانسپورٹ اتھارٹی مظفرگڑھ عروج فاطمہ نے کہا ہے کہ اوور لوڈ گاڑیاں نہ صرف حادثات کا سبب بنتی ہیں بلکہ اس سے سٹرکوں کو بھی نقصان پہنچتا ہے، یہ بات انہوںنے اوور لوڈ گاڑیوں کیخلاف کارروائی کرتے ہوئے کہی،انہوں نے ٹرانسپورٹ مالکان کو ہدایت کی کہ وقتی فائدے کیلئے گاڑیوں پر ان کے استعداد سے زائد وزن نہ لوڈ کیا جائے، اس سے گاڑیوں کو بھی نقصان پہنچتا ہے ، انہوں نے بتایا کہ رواں ماہ کے دوران اوور لوڈ نگ پر 134گاڑیوں کا چالان اور 10گاڑیوں کو بند جبکہ 2لاکھ 95ہزار روپے جرمانہ وصول کیا گیا اور موقع پر گاڑیوں سے زائد سامان اتروایا گیا ہے۔