احتیاطی تدابیر پر عمل کرکے خود کو موسمی امراض سے دور رکھا جا سکتا ہے،ڈاکٹر اسلم چوہدری

پیر 21 نومبر 2016 14:55

اسلام آباد ۔ (اُردو پوائنٹ اخبارتازہ ترین - اے پی پی۔ 21 نومبر2016ء) ماہر امراض ناک ، کان و گلہ پروفیسر ڈاکٹر اسلم چوہدری نے کہاہے کہ شہری موسمی فلو سے نہ گھبرائیںاور احتیاطی تدابیر پر عمل کرکے خود کو مرض سے دور رکھیں۔یہاں ایک انٹرویو میں انہوں نے کہاکہ نزلہ ، زکام کا وائرس کھانسنے اور چھینکنے سے پھیلتاہے اور ایک کمرے میں مریض اور صحت مند افراد کے اکٹھے رہنے سے بتدریج تمام افراد فلو کا شکار ہوجاتے ہیں۔

(جاری ہے)

انہوں نے کہا کھانستے اور چھینک کے وقت منہ اور ناک کو رومال سے ڈھانپ کر رکھنا چاہیے ، صابن سے اچھی طرح ہاتھ دھوئے جائیں،آلودہ ہاتھوں سے آنکھوں ، منہ اورناک کو نہ چھوا جائے اور مریض خود بھی احتیاط برتیں ، مرض میں مبتلا ہونے کی صورت میں صحت مند لوگوں سے میل جول کم رکھیں تاکہ بیماری مزید نہ پھیلے ۔ پروفیسر اسلم چوہدری نے کہا کہ طبی اصولوںپر عمل کرکے ہم نہ صرف خود صحت مند رہ سکتے ہیں بلکہ دوسروں کو بھی بیماریوں سے محفوظ رکھ سکتے ہیں۔

Facebook Twitter Google + Share on Whatsapp

احتیاطی تدابیر پر عمل کرکے خود کو موسمی امراض سے دور رکھا جا سکتا ہے،ڈاکٹر اسلم چوہدری

متعلقہ عنوان :

مزید قومی خبریں