سکھر ضلع پولیس کی جانب سے چہلم حضرت امام حسین ؓ کے موقع پر سیکورٹی کے سخت انتظامات

پیر 21 نومبر 2016 12:06

سکھر۔ (اُردو پوائنٹ اخبارتازہ ترین - اے پی پی۔ 21 نومبر2016ء) سکھرضلع پولیس کیجانب سے چہلم حضرت امام حسین ؓ کے موقع پر سیکورٹی کے سخت انتظامات اٹھائے گئے ہیں، پولیس ترجمان کے مطابق ضلع بھر میں مجالس و عزاداری کے جلوسوں کے لئے مجموعی طور پر1181 پولیس افسران و اہلکاروں کو تعینات کیا گیا ہے جن میں مجالس و جلوسوں کیلئے 1079 پولیس افسران و اہلکار اورموبائل و پیٹرولنگ کیلئے 102 افسران و اہلکار وں کو ڈیوٹیاںتفویض کی گئی ہیں ۔

(جاری ہے)

ضلع میں 16 جلوس اور 27 مجالس منعقد ہورہی ہیں، مذید براں سکھر اور روہڑی کے مختلف مقامات پر پولیس اور رینجرز نے مشترکہ فلیگ مارچ بھی کیا۔