ایف سی ،حساس ادارے کی حب میں اور دشت میں کارروائیاں ،کالعدم تنظیم کے دو دہشت گرد گرفتار ،بڑی تعداد میں اسلحہ و با رود برآمد

ہفتہ 19 نومبر 2016 15:28

کوئٹہ(اُردو پوائنٹ اخبارتازہ ترین - این این آئی۔ 19 نومبر2016ء) ایف سی اور حساس ادارے کی بلوچستان کے شہر حب میں اور دشت میں کاروائیاں کالعدم تنظیم کے دو دہشت گرد گرفتار بڑی تعداد میں اسلحہ و با رود برآمد ،ترجمان ایف سی کے مطابق ہفتے کو ایف سی اور حسا س ادارے نے بلوچستان کے سنعتی شہر حب میں خفیہ اطلاع پر کاروائی کر تے ہوئے کالعدم تحریک طا لبان پاکستان کے دو مبینہ دہشت گردوں کو گرفتار کر کے تفتیش کے لئے نامعلوم مقام پر منتقل کر دیا جبکہ ضلع قلات کے علاقے دشت میں واقع کلی زرین آبا د میں دہشت گردوں کی موجودگی کی اطلاع پر ایک کمپائونڈ پر چھا پہ مار کر بڑی تعداد میں اسلحہ اور با رود برآمد کر لیا ،برآمد شدہ اسلحے میں 25کلو گرام بارودی مواد،8ہینڈ گرینڈ،3ایس ایم جی،4پستول ،350 ڈیٹو نیٹر ،با ل بیرنگ ،بیٹریاں ،اور دیگر مواد شامل ہے تاہم کاروائی میں کوئی گرفتار ی عمل میں نہیں آئی۔

مزید کاروائی جاری ہے ۔