ایبٹ آبادکامسیٹس کیمپس، بیرن گلی کی طالبہ نے بائیو ٹیکنالوجی میں 2 گولڈ میڈل حاصل کر لئے

جمعرات 17 نومبر 2016 18:44

ایبٹ آباد۔ (اُردو پوائنٹ اخبارتازہ ترین - اے پی پی۔ 17 نومبر2016ء) گلیات کے علاقہ بیرن گلی کی رہائشی طالبہ نے کامسیٹس ایبٹ آباد کیمپس سے بائیو ٹیکنالوجی میں 2گولڈ میڈل حاصل کر لئے۔ سا بق اکائونٹس آفیسر ایبٹ آباد سردار محمد ریاض احمد کی صاحبزادی ثانیہ ریاض نے کامسیٹس ایبٹ آباد سے بائیو ٹیکنالوجی میں اول پوزیشن حاصل کر کے 2 گولڈ میڈل حاصل کر لئے۔

(جاری ہے)

کامسیٹس ایبٹ آباد کی طالبہ ثانیہ ریاض نے چار سال میں تمام امتحانات میں ہمشہ اول پوزیشن حاصل کی، گذشتہ روز کامسیٹس کمیپس ایبٹ آباد میں 92 اور 93 کانووکیشن کے موقع پر ریکٹر کامسیٹس یونیورسٹی سید محمد جنید زیدی نے فارغ التحصیل گریجویٹ میں گولڈ میڈل اور ڈگریاں تقسیم کیں۔ اس موقع پر ثانیہ ریاض کو بھی بائیو ٹیکنالوجی میں اول آنے پر 2گول میڈل دیئے گئے۔ ثانیہ ریاض نے اپنی کامیابی کو اپنے اساتذہ اور والدین کی دعا اور محنت کا نتیجہ قرار دیا ہے۔