ترک خاتونِ اوّل کی معذور افراد میں 20الیکٹرک وہیل چیئرزکی تقسیم
تازہ ترین : 1
ترک خاتونِ اوّل کی معذور افراد میں 20الیکٹرک وہیل چیئرزکی تقسیم

ترک خاتونِ اوّل کی معذور افراد میں 20الیکٹرک وہیل چیئرزکی تقسیم

پاکستان اور ترکی دونوں برادر اسلامی ملک ہونے کے ناطے بھائی چارے کے بندھن میں بندھے ہوئے ہیں، دونوں کی دوستی انتہائی گہری اور مضبوط ہے، باہمی اشتراک پوری دنیا کیلئے ایک مثال ہے، دونوں ممالک نے ہر آڑے وقت ، قدرتی آفات اور ایمرجنسی کی صورتحال میں ایک دوسرے سے تعاون کیا ، یہ دوستی روایتی نہیں بلکہ عملی ہے ،اِس دوستی کو مضبوط اور مستحکم بنانے کیلئے اقدامات کیے جائینگے،ترک خاتون اوّل امینہ اردوان کا تقریب سے خطاب پاکستان اور ترکی یکجان دو قالب ہیں،ترکی نے ہمیشہ پاکستان کو سپورٹ کیا ، ڈاکٹر سعید الٰہی

اسلام آباد(اُردو پوائنٹ اخبارتازہ ترین۔ 17 نومبر2016ء)ترکی کی خاتون اوّل امینہ طیب رجب اردوان نے کہا کہ پاکستان اور ترکی دونوں برادر اسلامی ملک ہونے کے ناطے بھائی چارے کے بندھن میں بندھے ہوئے ہیں، دونوں ممالک کی دوستی انتہائی گہری اور مضبوط ہے، باہمی اشتراک پوری دنیا کیلئے ایک مثال ہے۔ دونوں ممالک نے ہر آڑے وقت ، قدرتی آفات اور ایمرجنسی کی صورتحال میں ایک دوسرے کی مدد اور تعاون کیا ہے، یہ دوستی روایتی نہیں بلکہ عملی ہے ،اِس دوستی کو مضبوط اور مستحکم بنانے کیلئے بھرپور اقدامات کیے جائیں گے۔

وہ پاکستان ریڈکریسنٹ کے زیر اہتمام تقریب سے خطاب کررہی تھیں ۔ اِس موقع پر خاتونِ اوّل کی جانب سے معذور افراد میں 20الیکٹرک وہیل چیئرز تقسیم کی گئیں۔ خاتونِ اوّل کی جانب سے پاکستان ریڈکریسنٹ کو 10انکوبیٹرز بھی فراہم کیے گئے، تقریب سے خطاب کرتے ہوئے چیئرمین ہلالِ احمر پاکستان ڈاکٹر سعید الٰہی نے کہا کہ پاکستان اور ترکی یکجان دو قالب ہیں۔

ترکی نے ہمیشہ پاکستان کو سپورٹ کیا ہے ، ہم اِس مثالی تعلقات اور تعاون کو خراجِ تحسین پیش کرتے ہیں۔ انہوں نے اِس موقع پر خاتون ِ اوّل امینہ طیب رجب اردوان کی آمد کو سراہتے ہوئے ترکش انٹرنیشنل کوآپریشن ایجنسی، ترک ریڈکریسنٹ کی خدمات کو بھی شاندار الفاظ میں خراجِ تحسین پیش کیا۔ اِس سے قبل سیکرٹری جنرل پاکستان ریڈکریسنٹ غلام محمد اعوان نے خطبہ استقبالیہ پیش کیا ، انہوں نے پاکستان ریڈکریسنٹ کے اقدامات، ترک ریڈکریسنٹ کے ساتھ شراکت داری پر روشنی ڈالی۔

تقریب کے اختتام پر پاکستان ریڈکریسنٹ کی جانب سے ڈاکٹر سعید الٰہی نے خاتونِ اوّل امینہ طیب رجب اردوان کو سونیئر پیش کیا۔ خاتونِ اوّل نے مختلف شعبوں میں نمایاں خدمات انجام دینے والوں کو پاکستان ریڈکریسنٹ شیلڈز دیں۔
وقت اشاعت : 17/11/2016 - 18:19:03

متعلقہ عنوان :

اپنی رائے کا اظہار کریں