ایل ڈی نے پلاٹوں کی ٹرانسفر کے لئے این او سی کی میعاد تین سال کر دی
تازہ ترین : 1

ایل ڈی نے پلاٹوں کی ٹرانسفر کے لئے این او سی کی میعاد تین سال کر دی

لاہور (اُردو پوائنٹ اخبارتازہ ترین۔ 17 نومبر2016ء)لاہور ڈویلپمنٹ اتھارٹی نے شہریوں کی سہولت کے لئے این او سی کے اجراء کے طریقہ کار کو آسان کر دیا ہے اور پلاٹوں کی ٹرانسفر سے قبل جاری کئے جانے والے این او سی کی میعاد تاریخ اجراء سے ایک سال تک سے بڑھاکر تین سال کر دی ہے ۔ اس مقصد کے لئے این او سی کی فیس پانچ سو روپے فی مرلہ سالانہ سے بڑھا کر 15سو روپے فی مرلہ برائے تین سال کر دی گئی ہے ۔

سیکورٹی فیچرڈ پیپرز پرپہلے سے جاری شدہ این او سی کی تجدید کے لئے اس پر متعلقہ ڈائریکٹوریٹس سے دوبارہ پانچ رپورٹیں حاصل نہیں کی جائیں گی بلکہ این او سی کے پہلی مرتبہ اجراء کے بعد جمع شدہ رقوم یا اس پر کی جانے والی رجسٹری کی تصدیق کے بعد اس این او سی کی تجدید کر دی جائے گی ۔ تاہم پہلی مرتبہ این او سی کے اجراء کے لئے پانچوں متعلقہ ڈائریکٹوریٹس سے لازمی طور پر رپورٹیں حاصل کی جائیں گی اور درخواست دہندگان کو تمام اعتراضات سے ایک ہی مرتبہ آگاہ کر دیا جائے گا ۔
وقت اشاعت : 17/11/2016 - 16:31:30

متعلقہ عنوان :

اپنی رائے کا اظہار کریں