پاکستان ایئر فورس اکیڈمی رسالپور نے علامہ محمد اقبال تقریری مقابلہ جیت لیا
تازہ ترین : 1

پاکستان ایئر فورس اکیڈمی رسالپور نے علامہ محمد اقبال تقریری مقابلہ جیت لیا

لاہور۔16 نومبر(اُردو پوائنٹ اخبارتازہ ترین۔ 16 نومبر2016ء)گورنمنٹ کالج یونیورسٹی لاہور میں منعقدہ36واںکل پاکستان علامہ محمد اقبال تقریری پاکستان ائیر فورس اکیڈمی رساپور نے جیت لیا۔ تقریری مقابلے کی اختتامی تقریب میں سابق سیکرٹری خارجہ شمشاد احمد خان مہمان خصوصی تھے جبکہ اس موقع پر جی سی یو کے وائس چانسلر پروفیسر ڈاکٹر حسن امیر شاہ بھی موجود تھے۔

یونیورسٹی آف انجینئرنگ اینڈ ٹیکنالوجی لاہور کے حمزہ عباس نے انگریزی تقریری مقابلوں میں بہترین کارکردگی کا مظاہرہ کرتے ہوئے بینظیر بھٹو شہید میڈل حاصل کیاجبکہ پاکستان ایئر فورس اکیڈمی رسالپور کے مجتبیٰ ظفر مقابلے کے بہترین اردو مقرر قرار پائے اور انہیں ڈاکٹر مجید نظامی میڈل سے نوازا گیا،اردو سنجیدہ تقاریر میں ’’اک کھیل ہے اوررنگِ سلیماں مرے نزدیک ‘‘،’’زبانِ غیر سے کیا شرح آرزو کرتے‘‘،’’یہ کائنات ابھی ناتمام ہے شاید‘‘ اور’’اے عشقِ ازل گیروبتاب،میرے بھی ہیں کچھ خواب‘‘کے موضوعات پر فکر انگیز تقاریر ہوئیں جبکہ مزاحیہ تقریری مقابلوں میں مقررین نے ’’میرے عزیزو!تمام دکھ ہے‘‘، ’’میرے محبوب کہیں اور ملا کر مجھ سے‘‘،’’یوں نہ تھا،میں نے فقط چاہا تھا یوں ہو جائے‘‘ اور’’کیا بنے بات جہاں بات بنائے نہ بنے‘‘ کے موضوعات پر لب کشائی کرتے ہوئے حاضرین کے چہروں پر مسکراہٹیں بکھیری،انگریزی تقریری مقابلوں میں بھی 8مختلف موضوعات پرمقررین نے اپنی صلاحیتوں کے جوہر دکھائے۔

وقت اشاعت : 16/11/2016 - 22:00:58

متعلقہ عنوان :

اپنی رائے کا اظہار کریں