وزیراعلیٰ کی بلدیاتی اداروں کی مخصوص نشستوں پر انتخابات میں کامیاب ہونیوالے مسلم ..
تازہ ترین : 1

وزیراعلیٰ کی بلدیاتی اداروں کی مخصوص نشستوں پر انتخابات میں کامیاب ہونیوالے مسلم لیگ (ن) کے امیدواروں کو مبارکباد

مخصوص نشستوںکے انتخابات میں بھی خدمت ،امانت ،دیانت اور شفافیت کی سیاست کی جیت ہوئی ہے ‘محمد شہبازشریف

لاہور(اُردو پوائنٹ اخبارتازہ ترین۔ 16 نومبر2016ء)وزیراعلیٰ پنجاب محمد شہبازشریف نے میونسپل کارپوریشنوں اورضلع کونسلوں کی مخصوص نشستوں پر انتخابات میں کامیاب ہونیوالے مسلم لیگ (ن) کے امیدواروں کو مبارکبادی ہے اور کہا ہے کہ بلدیاتی انتخابات کے مختلف مراحل میں پاکستان مسلم لیگ(ن) نے شاندار کامیابی حاصل کی ہے ۔وزیر اعلیٰ نے کہا کہ مخصوص نشستوںکے انتخابات میں بھی خدمت ،امانت ،دیانت اور شفافیت کی سیاست کی جیت ہوئی ہے اور الزام تراشی،جھوٹ اورمنفی سیاست کرنے والوں کو مخصوص نشستوں کے انتخابات میں بھی بری طرح شکست ہوئی ہے۔

انہوںنے کہا کہ منفی سیاست کے علمبرداروں کو اپنی پے درپے شکستوں سے سبق حاصل کرنا چا ہیے کیونکہ الزام تراشی کی سیاست کی شفافیت اور خدمت کی سیاست کے سامنے کوئی حیثیت نہیں ۔

مزید متعلقہ خبریں پڑھئیے‎ :

وقت اشاعت : 16/11/2016 - 19:21:12

متعلقہ عنوان :

اپنی رائے کا اظہار کریں