بھارت مقبوضہ کشمیر سے فوجی انخلاکرے‘ دختران ملت
تازہ ترین : 1

بھارت مقبوضہ کشمیر سے فوجی انخلاکرے‘ دختران ملت

نیشنل کانفرنس، پیپلز ڈیموکریٹک پارٹی، کانگریس اور دیگر مقبوضہ علاقے کی مین سٹریم جماعتیں نہیں بلکہ بھارت نواز جماعتیں ہیں

سرینگر(اُردو پوائنٹ اخبارتازہ ترین۔ 16 نومبر2016ء)مقبوضہ کشمیر میں دختران ملت نے کہا ہے کہ بھارت مقبوضہ علاقے سے فوری طور پر فوجی انخلاکرے۔ کشمیر میڈیاسروس کے مطابق دختران ملت کی سیکرٹری جنرل ناہیدہ نسرین نے سرینگر میںجاری ایک بیان میں کہا کہ تنازعہ کا حل اقوام متحدہ کی قراردادوں میں ہی مضمر ہے ۔ انہوںنے کہا کہ نیشنل کانفرنس، پیپلز ڈیموکریٹک پارٹی، کانگریس اور دیگر مقبوضہ علاقے کی مین سٹریم جماعتیں نہیں بلکہ بھارت نواز جماعتیں ہیں جن کا واحد مقصد جموںوکشمیر پر بھارت کے غیر قانونی فوجی قبضے کو دوام بخشنا ہے۔

ناہیدہ نسرین نے کہا کہ بھارت نواز جماعتیںکو محض اپنے مفادات اور کرسی سے غرض ہے اور یہ کشمیریوں کی ہرگز خیر خواہ نہیں ۔ انہوں نے کہا کہ ظالم اور مظلوم، قاتل اور مقتول ایک ندی کے دو کناروں کی طرح کبھی نہیں ہو سکتے۔ناہیدہ نسرین نے کہا کہ بھارت نواز جماعتوں کو اگر نہتے کشمیریوں کی زرہ بھر ہمدردی ہے تو وہ آزادی پسندوں کی صفوں میں شامل ہوں۔ ناہیدہ نسرین نے کشمیریوں سے اپیل کی کہ وہ تحریک آزادی کے نازک موڑ پر اپنی صفوں میں اتحاد و اتفاق کو مضبوط بناتے ہوئے دشمن کے مذموم ارادوں کو ناکام بنائیں۔

مزید متعلقہ خبریں پڑھئیے‎ :

وقت اشاعت : 16/11/2016 - 15:13:09

متعلقہ عنوان :

اپنی رائے کا اظہار کریں