محمد حفیظ کے غیرقانونی بولنگ ایکشن کی جانچ 17 نومبر برسبین کے لیب میں ہوگی
تازہ ترین : 1
محمد حفیظ کے غیرقانونی بولنگ ایکشن کی جانچ 17 نومبر برسبین کے لیب میں ..

محمد حفیظ کے غیرقانونی بولنگ ایکشن کی جانچ 17 نومبر برسبین کے لیب میں ہوگی

برسبین (اُردو پوائنٹ اخبارتازہ ترین۔ 16 نومبر2016ء)پاکستانی کرکٹر محمد حفیظ کے غیرقانونی بولنگ ایکشن کی جانچ کل جمعرات کوبرسبین کے لیب میں ہوگی ۔میڈیا رپورٹ کے مطابق محمد حفیظ گذشتہ سال بولنگ ایکشن رپورٹ کیے جانے کے بعد چنئی میں بائیومکینک ٹیسٹ کلیئر نہیں کرسکے تھے ،ْآئی سی سی کی جانب سے ان کی بولنگ پر12ماہ کیلئے پابندی عائد کردی گئی تھی ،ْیہ مدت رواں سال جولائی میں ختم ہوگئی تاہم فٹنس مسائل کے باعث وہ ٹیسٹ کیلئے تیارنہیں تھے ،ْدورئہ انگلینڈ میں بیٹنگ فارم روٹھی رہی،انجری کا بھی شکار ہوئے اور 24ستمبر کو ساؤتھمپٹن میں کھیلے گئے پہلے میچ کے بعد وطن واپس آگئے،فٹنس بحال ہونے پر انھیں ویسٹ انڈیز کیخلاف سیریز میں بطور بیٹسمین شامل کرنے سے بھی گریز کیا گیا،اس دوران محمد حفیظ کو بولنگ ایکشن کی اصلاح کیلئے نیشنل کرکٹ اکیڈمی میں کام کرنے کا موقع مل گیا۔

اس سے قبل دور ہ انگلینڈ میں چند روز کیلیے سابق انگلش کوچ اوربائیومکینسٹ کارل کروکی خدمات بھی حاصل کی گئی تھیں، برسبین کی بائیومکینکس لیب میں ٹیسٹ کیلئے آئی سی سی کی طرف سے 17نومبرکی تاریخ مقرر کی گئی ہے

وقت اشاعت : 16/11/2016 - 12:46:38

اپنی رائے کا اظہار کریں