عمران خان پارلیمنٹ کے جوائنٹ سیشن میں آئیں گے تو خوشی ہوگی۔ عمران خان پاکستان کے قومی مفادات کیلئے خطرہ بن گئے ہیں، سی پیک کو متنازعہ بنانے کیلئے انھوں نے ایڑی چوٹی کا زور لگایا۔سی پیک منصوبوں میں تاخیر کی ذمہ داری عمران خان پر عائد ہوتی ہے۔ وفاقی وزیر ریلوے خواجہ سعد رفیق کی صحافیوں سے گفتگو
میاں محمد ندیم منگل 15 نومبر 2016 18:51
اسلام آباد(اردو پوائنٹ اخبارتازہ ترین-انٹرنیشنل پریس ایجنسی۔15 نومبر۔2016ء) پاکستان تحریک انصاف کے چیئرمین عمران خان کی جانب سے پارلیمنٹ کے بائیکاٹ کے فیصلے پر افسوس کا ظہار کرتے ہوئے وفاقی وزیر ریلوے خواجہ سعد رفیق نے کہا ہے کہ عمران خان پارلیمنٹ کے جوائنٹ سیشن میں آئیں گے تو خوشی ہوگی۔اسلام آباد میں صحافیوں سے بات چیت کرتے ہوئے خواجہ سعد رفیق کا کہنا تھا کہ ترکی جاکر پاکستانی ہونے پر فخر محسوس ہوتا ہے اور ترک سفیر سے ملاقات کے بعد تحریک انصاف کو مشترکہ اجلاس میں آجانا چاہیے تھا۔
وفاقی وزیر ریلوے نے کہا کہ عمران خان پاکستان کے قومی مفادات کیلئے خطرہ بن گئے ہیں، سی پیک کو متنازعہ بنانے کیلئے انھوں نے ایڑی چوٹی کا زور لگایا۔ان کا کہنا تھا کہ تحریک انصاف کے دھرنے کی وجہ سے چینی صدر کا دورہ منسوخ ہوا تھا، سی پیک منصوبوں میں تاخیر کی ذمہ داری عمران خان پر عائد ہوتی ہے۔(جاری ہے)
عمران خان پر مزید تنقید کے نشتر برساتے ہوئے انھوں نے کہا کہ عمران خان کی جانب سے کشمیرکے جوائنٹ سیشن کے بائیکاٹ پر بھارتی میڈیا میں مذاق اڑایا گیا تھا۔
اس موقع پر خواجہ سعد رفیق نے اس عزم کا اظہار کیا کہ کچھ بھی ہوجائے حکومت تحریک آزادی کشمیر کی اخلاقی اور سفارتی حمایت جاری رکھے گی۔تحریک انصاف پر فتنہ فساد کا الزام لگاتے ہوئے وفاقی وزیر ریلوے نے کہا کہ عمران خان الزامات لگاتے ہیں مگر ثبوت فراہم نہیں کرتے۔وفاقی وزیر ریلوے نے انکشاف کیا کہ شریف خاندان کے کاروبار کیلئے پیسہ پاکستان سے نہیں گیا، جب ملک سے پیسہ ہی نہیں گیا تو منی لانڈرنگ کیسے ہوئی؟خواجہ سعد رفیق کا کہنا تھا کہ عمران خان چیف جسٹس نہیں جو سارے معاملات ان کے سامنے پیش کرتے، پاناما لیکس پر دودھ کا دودھ اور پانی کا پانی ہونے والا ہے۔پی ٹی آئی کے اسلام آباد دھرنے کے دوران وزیر اعلیٰ خیبرپختون خوا پرویز خٹک کے قافلے کو روکنے کی پالیسی کو درست قرار دیتے ہوئے وفاقی وزیر ریلوے کا کہنا تھا کہ پرویز خٹک وزیراعلیٰ بن کر آتے تو پروٹو کول دیا جاتا۔ایک سوال کا جواب دیتے ہوئے انھوں نے کہا کہ شیخ رشید، عمران خان اور اعتزاز احسن کی باتوں کا جواب دینے کیلئے وقت نہیں ہے۔عوامی مسلم لیگ کے سربراہ شیخ رشید کا نام لیے بغیر خواجہ سعد رفیق نے کہا کہ پنڈی کا سیاستدان ایک موٹر سائیکل اور 4 لوگوں کے ساتھ احتجاج کیلئے نکلا تھا۔ادھر وزیر مملکت برائے انفارمیشن اینڈ ٹیکنالوجی انوشہ رحمٰن نے پریس کانفرنس کے دوران کہا کہ وزیراعظم پر الزامات شارٹ کٹ کے متلاشی لگا رہے ہیں۔انھوں نے دعویٰ کیا کہ پاناما لیکس کے نام پر دھمال ڈالنے والوں کے پاس کوئی ثبوت نہیں۔انوشہ رحمٰن مزید دعویٰ کیا کہ عدالت عظمیٰ نے تحریک انصاف کے ثبوتوں کو ردی قرار دیا ہے۔انھوں نے سوال اٹھایا کہ کس بنیاد پر عمران خان اسلام آباد پر حملہ کرنے جارہے تھے؟اس موقع پر وزیر مملکت برائے کیڈ طارق فضل چوہدری نے کہا کہ عمران خان انتخابات میں دھاندلی کے الزامات بھی ثابت کرنے میں ناکام رہے تھے، عمران خان کے پاس ثبوت لانے کیلئے اب بھی وقت ہے۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.