سپریم کورٹ میں عمران خان اور جہانگیر ترین کے خلاف حنیف عباسی کی درخواست پر سماعت
تازہ ترین : 1
سپریم کورٹ میں عمران خان اور جہانگیر ترین کے خلاف حنیف عباسی کی درخواست ..

سپریم کورٹ میں عمران خان اور جہانگیر ترین کے خلاف حنیف عباسی کی درخواست پر سماعت

عمران خان کوجواب جمع کرانے کیلئے ایک ہفتے کی مہلت دیدی گئی، جہانگیر ترین نے جواب جمع کرا دیا جہانگیر ترین کی اپنی کوئی آف شور کمپنی نہیں نہ پاناما لیکس میں نام آیا ، ان کے بچوں کی آف شور کمپنی ہے،ٹیکس ریٹرن میں اسکا ذکر کیا جاتا ہے،میرے خلاف درخواست ردعمل میں دائر کی گئی ، کبھی کوئی ٹیکس چوری نہیں کیا ، ٹیکس سے متعلق ٹرائل کورٹ ان کے حق میں فیصلہ دے چکی ہے،جہانگیر ترین

اسلام آباد (اُردو پوائنٹ اخبارتازہ ترین۔ 15 نومبر2016ء) سپریم کورٹ میں عمران خان اور جہانگیر ترین کے خلاف مسلم لیگ ن کے رہنما حنیف عباسی کی درخواست پر سماعت ہوئی ، عمران خان کی جانب سے جواب جمع کرانے کیلئے ایک ہفتے کی مہلت مانگی گئی جو عدالت نے دے دی جبکہ جہانگیر ترین نے اپنے وکیل سکندر بشیر کے توسط سے سپریم کورٹ میں جواب جمع کرا دیا ۔جہانگیرترین کے وکیل نے جواب میں بتایا کہ جہانگیر ترین کی اپنی کوئی آف شور کمپنی نہیں نہ پاناما لیکس میں نام آیا ، ان کے بچوں کی آف شور کمپنی ہے اور ٹیکس ریٹرن میں اسکا ذکر کیا جاتا ہے۔

جہانگیر ترین نے جواب میں کہا کہ ان کے خلاف درخواست ردعمل میں دائر کی گئی ، کبھی کوئی ٹیکس چوری نہیں کیا ، ٹیکس سے متعلق ٹرائل کورٹ ان کے حق میں فیصلہ دے چکی ہے ، ان کے خلاف لگے الزامات بے بنیاد ہیں، درخواست خارج کی جائے۔ عدالت نے کہا کہ عمران خان کے جواب کی روح کی روشنی میں کیس کو لارجر بینچ میں سننے کا فیصلہ کریں گے۔ کیس کی سماعت ایک ہفتے کیلئے ملتوی کردی گئی۔
وقت اشاعت : 15/11/2016 - 15:09:38

اپنی رائے کا اظہار کریں