کراچی میں گرد آلود ہواؤں نے ڈیرے جمالیے، حد نگاہ متاثر

ہفتہ 12 نومبر 2016 21:54

کراچی(اُردو پوائنٹ اخبارتازہ ترین - آئی این پی۔ 12 نومبر2016ء) شہر قائد میں شمال سے چلنے والی گرد آلود ہواؤں نے ڈیرے جمالیے ہیں جس کے بعد دھول اور گرد کی وجہ سے حد نگاہ متاثر ہوئی ہے، موسم سرما کی آمد کے ساتھ ہی کراچی میں ہواؤں نے بھی رخ تبدیل کرلیا ہے اور میدانی گرد آلود چلنے سے حد نگاہ متاثر ہونے کا خدشہ ظاہر کیا گیا ہے۔

(جاری ہے)

محکمہ موسمیات کا کہنا ہے کہ شمال کی سمت سے چلنے والی ہواؤں کی رفتار 40 کلومیٹر فی گھنٹہ اور ہوا میں نمی کا تناسب 12 فیصد ریکارڈ کیا گیا ہے، گرد آلود ہواؤں کے باعث حدنگاہ جزوی متاثر ہوسکتی ہے۔

محکمہ موسمیات کے مطابق شہر کا موجودہ درجہ حرارت 30 ڈگری سینٹی گریڈ ہے جو زیادہ سے زیادہ 32 ڈگری تک بڑھ سکتا ہے جبکہ کم سے کم درجہ حرارت مزید 2 ڈگری سینٹی گریڈ گرنے سے 17 ڈگری تک پہنچ گیا ہے۔

Facebook Twitter Google + Share on Whatsapp

کراچی میں گرد آلود ہواؤں نے ڈیرے جمالیے، حد نگاہ متاثر

متعلقہ عنوان :

مزید قومی خبریں