بلدیاتی انتخابات میں منتخب چیرمین اور کونسلروں کو جلد دفاتر ، فرنیچر اور عملہ فراہم کردیا جائیگا، ڈپٹی کمشنر حیدر آباد
شہر میں بڑے عرصے سے تجاوزات قائم تھیں اس کو ختم کر دیاگیا، ہر کام شہر کے مفاد میں ہوگا، معتصم عباسی
ہفتہ 12 نومبر 2016 20:38
(جاری ہے)
انہوں نے کہا کہ میری یہ اولین کوشش ہے کہ حیدرآباد کو خوبصورت شہر بنا کر عوام کو جدید اور بنیادی سہولیات فراہم کی جائیں ۔
انہوں نے کہا کہ حیدرآباد شہر میں بڑے عرصے سے تجاوزات قائم تھیں اس کو ختم کر دیاگیا ہے ۔ اس سے قبل کسی دور میں بھی یہ کام نہیں ہوا ہے اور حیدرآباد شہر کے مفاد میں جو بھی کام ہو گا اس کو ہر صورت میں ضرور مکمل کروں گا ۔ انہوں نے کہا کہ حیدرآباد میں بڑی آبادی والے علاقوں کو ماضی میں بنیادی سہولیات سے محروم رکھا گیا مگر اب ان علاقوں میں پینے کا پانی ، گلیاں ، گلیوںمیں سی سی بلاک کی تعمیر ، اسٹریٹ لائٹس، صفائی اور دوسری سہولیات کی فراہمی کے لیے جلد ترقیاتی اسکیموں پر کام شروع کر کے 6 ماہ کے اندر ان علاقوں میں تمام مطلوبہ سہولیات فراہم کی جائیں گی ، انہوں نے کہا کہ نادرا انتظامیہ سے رابطہ کر کے پیدائشی ، موت اور دوسرے ضروری فارم ایک ہفتے کے اندر یونین کونسلوں کے چیرمینوں کو فراہم کیے جائیں گے تاکہ یوسیز بھی بہتر طریقے سے کام کر سکیں ۔ انہوں نے کہا کہ حیدرآباد شہر کے قدیم علاقوں ، محلوں، گلیوں کو اتنا چھوٹا کر دیاگیا کہ ایمرجنسی کے دوران گلیوں میں ایمبولینس کا آنا نا ممکن ہو گیا اس لیے ایسی رکاوٹوں کا خاتمہ کیا جارہا ہے تاکہ ایمرجنسی کے دوران بلا رکاوٹ ایمبولینس آمد رفت احسن ہو سکے ۔ انہو ںنے کہا کہ جن علاقوں میں صفائی ستھرائی کی سہولیات موجود نہیں ہیں ان علاقوں میں پینے کے پانی کی فراہمی ، اسٹریٹ لائٹس، گلیو ں میں سی سی بلاک کی تعمیر اور دوسرے عوامی سہولیات کے کاموں کو ترجیحی بنیادوں پر شروع کیاگیا ہے جبکہ یونین کونسلوں کے منتخب چیرمینوں کے دفاتر ،فرنیچر، آفس عملے سمیت صفائی کا عملہ ، کوڑا کرکٹ اٹھانے کے لیے گاڑیوں کی فراہمی جلد کی جائے گی ۔ اس موقع پر اجلاس سے خطاب کرتے ہوئے وزیر اعلیٰ کے سابق پولیٹیکل اسسٹنٹ حیدرخان نے کہا کہ ہمیں یہ فخر ہے کہ پی پی پی نے گزشتہ تین برسوں کے دوران حیدرآباد ضلع میں 3 سو ملین روپے کی لاگت سے ترقیاتی کام کرائے ہیں ۔ جس کی ماضی میں مثال نہیں ملتی ۔ انہوں نے کہا کہ حیدرآباد کے شہریوں کو پینے کے پانی کی قلت کو جلد ختم کر کے انہیں وافر مقدار میں پانی مہیا کیا جائے گا ۔ انہوں نے کہا کہ ضلع میں جاری ترقیاتی اسکیموں کو جلد مکمل کیا جائے گا تاکہ عوام کو زیادہ سے زیادہ سہولیات فراہم کی جاسکیں ۔ انہوں نے یونین کونسلروں اور چیرمینز کو کہا کہ وہ عملے کی حاضری کو یقینی بنائیں اور غیر حاضر عملے کیخلاف سخت قانونی اقدامات کریں ۔ انہوں نے کہا کہ عوام کے بنیادی مسائل حل کرنے کے لیے ڈی سی اور میں خود ہر ماہ یوسی چیرمینوں سے اجلاس منعقد کریں گے تاکہ عوام کے جلد مسائل حل ہوں سابقہ صوبائی وزیر زاہد بھرگڑی نے کہا کہ پی پی پی عوام کا درد رکھنے والی پارٹی ہے اور عوام سے جو بھی واعدے کرتی ہے وہ پورے کرتی ہے ۔ انہوں نے نو منتخب یونین کونسلوں کے چیرمینوں کو کہا کہ جس طرح عوام نے آپ پر اعتماد کرکے آپ کو منتخب کرایا ہے اسی طرح آپ کو بھی عوام کے اعتماد پر پورا اترنا ہو گا اور ان کے بنیادی مسائل حل کرنے کی کوشش کرنی ہو گی ۔ اجلاس میں ایڈیشنل ڈپٹی کمشنر حیدرآباد ون غلام مرتضی میمن، اسسٹنٹ کمشنر سٹی حیدرآباد نظام الدین جتوئی ، اسسٹنٹ کمشنر قاسم آباد فدا شورو، میونسپل کمشنر حیدرآباد شاہد علی خان ،پی پی پی لیڈیز ونگ ضلع حیدرآباد کی سابقہ صدر صنم تالپور ، پی پی ضلع حیدرآباد کے سابق اطلاعات سیکریٹری سید کمال شاہ ، ایم ڈی واسا مسعود جمانی ،18 یونین کونسلو ں کے چیرمینوں اور 9 مخصوص سیٹوں پر منتخب کونسلروں کے علاوہ دیگر نے بھی شرکت کی ۔متعلقہ عنوان :
مزید قومی خبریں
-
پیپلز پارٹی کے دور میں کبھی کوئی سیاسی قیدی نہیں رہا، ہم نے ہمیشہ دوستی اور ہم آہنگی کا ہاتھ بڑھایا ہے، سینیٹر شیری رحمن
-
جس وزارت کا بزنس ایوان میں لیا جائے گا اگر اس وزارت یا محکمے کا جوائنٹ سیکرٹری کی سطح کا آفیسر موجود نہ ہوا تو سیکرٹری کو طلب کیا جائے گا،سپیکر قومی اسمبلی
-
عدالت نے فواد چودھری کو گرفتار کرنے سے روک دیا
-
عدالت نے فواد چودھری کو گرفتار کرنے سے روک دیا
-
وزیراعلیٰ مریم نواز کا ایئر ایمبولینس سروس کے دائرہ کار کو وسعت دینے کا اعلان
-
پنجاب کی طبی درسگاہوں میں ریسرچ کو پروان چڑھائیں گے‘خواجہ سلمان رفیق
-
رسول خدا احمدِ مجتبیٰ محمد مصطفیٰ کے تمام صحابہ و اہل بیت باکمال تھے،ثروت اعجاز قادری
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.