جسٹس ریٹائرڈ سعیدالزمان کی تعیناتی عدلیہ کی آزادی کی طرف خطرناک اشارہ ہے ،ْبابر اعوان

جمعہ 11 نومبر 2016 15:57

اسلام آباد(اُردو پوائنٹ اخبارتازہ ترین - این این آئی۔ 11 نومبر2016ء) سینئر ایڈووکیٹ بابر اعوان نے جسٹس ریٹائرڈ سعید الزمان کی بطور گورنر سندھ تعیناتی کو عدلیہ کی آزادی کیلئے خطرناک اشارہ قرار دیتے ہوئے کہا ہے کہ قائم علی شاہ کو موہنجودڑو کی دریافت کہنے والوں کو ہڑپہ سے لیے گئے نئے گورنر سندھ کا تحفہ مبارک ہو ۔

(جاری ہے)

سپریم کورٹ میں صحافیوں سے غیر رسمی گفتگو کرتے ہوئے بابراعوان نے کہا کہ قائم علی شاہ کو موہنجودڑو سے لیے جانے کی باتیں کرنے والوں کو اب ہڑپہ سے لیے گئے نئے گورنر سندھ کا تحفہ مبارک ہو ۔

ان ہوںنے کہاکہ جسٹس ریٹائرڈ سعیدالزمان کی تعیناتی عدلیہ کی آزادی کی طرف خطرناک اشارہ ہے، جس ادارے میں جج آئے گا وہ غیرجانبدار نہیں رہ سکتا ۔بابر اعوان نے کہا کہ نیوز لیکس کی تحقیقاتی کمیٹی شریفوں کا پاکٹ کمیشن ہے ،ْجسٹس ناصر الملک کمیشن رپورٹ کے بعد 2018 کے انتخابات آزادانہ نہیں ہوںگے ۔ سپریم کورٹ جسٹس ناصرالملک کمیشن کی رپورٹ پر نظر ثانی کرے ۔