افغان خاتون شربت گلہ کیس میں روپوش نادرا اہلکار کو بھی گرفتار کرلیا گیا

جمعہ 11 نومبر 2016 13:17

پشاور (اُردو پوائنٹ اخبارتازہ ترین - این این آئی۔ 11 نومبر2016ء) افغان خاتون شربت گلہ کیس میں روپوش نادرا اہلکار کو بھی گرفتار کرلیا گیا ۔میڈیا رپورٹ کے مطابق ایف آئی اے نے افغان خاتون شربت گلہ کیس میں روپوش ہونے والے نادرا اہلکار کو پشاور سے گرفتار کرلیا ،ْایف آئی اے ذرائع کے مطابق پروسیسنگ آفیسر عماد خان ایف آئی آر درج ہونے کے بعد روپوش ہو گیا تھا ،ْ مقدمے میں نامزد دیگر دو ملزم پلوشہ آفریدی اور محسن پہلے ہی عبوری ضمانت پر ہیں ۔

(جاری ہے)

یاد رہے عدالت نے افغان خاتون شربت گلہ کو جعلی شناختی کارڈ کیس میں 15روز ہ قید اور 1لاکھ 10ہزار روپے جرمانے کی سزا کے ساتھ ساتھ ڈی پورٹ کرنے کا حکم بھی دیا تھا جس کے بعد انہیں دو روز قبل افغانستان ڈی پورٹ کر دیا گیا تھا ۔افغان خاتون شربت گلہ کو جعلی شناختی کارڈ کیس میں ایف آئی اے نے پشاور سے گرفتار کر کے عدالت میں پیش کیا تھا ۔

Facebook Twitter Google + Share on Whatsapp

افغان خاتون شربت گلہ کیس میں روپوش نادرا اہلکار کو بھی گرفتار کرلیا گیا

متعلقہ عنوان :

مزید اہم خبریں