پرویز مشرف سے تعلق ظاہر کرکے فراڈ کرنے والے ملزم کیخلاف مقدمہ در ج نہ کرنے پر ڈی جی ایف آئی اے کیخلاف توہین عدالت کی درخواست دائر

بدھ 9 نومبر 2016 18:20

اسلام آباد(اُردو پوائنٹ اخبارتازہ ترین - آن لائن۔ 09 نومبر2016ء) سابق صدر پرویز مشرف سے تعلق ظاہر کرکے فراڈ کرنے والے ملزم کیخلاف مقدمہ در ج نہ کرنے پر ڈی جی ایف آئی اے کیخلاف توہین عدالت کی درخواست دائر کر دی گئی۔ عدالت نے 12نومبر تک جواب طلب کر لیا۔ تفصیلات کے مطابق سابق صدر پرویز مشرف سے تعلق ظاہر کر کے فراڈ کرنے والے ملزم کیخلاف عدالتی حکم کے باوجود مقدمہ درج نہ کرنے پر ڈی جی ایف آئی اے کیخلاف اسلام آبادکی مقامی عدالت میں توہین عدالت کی درخواست دائر کر دی گئی ہے۔

درخواست گزار نے موقف اختیار کیا ہے کہ عدالتی حکم کے باوجود مقدمہ درج نہ کرکے ڈی جی ایف آئی اے اور دیگر فریقین نے توہین عدالت کی،جس پر ایڈیشنل سیشن جج پرویز القادر میمن نے ڈی جی ایف آئی اے سے بارہ نومبر تک جواب طلب کر لیاہے۔

(جاری ہے)

درخواست گزار نے موقف اختیار کیاکہ ملزم خالد محمود نے خود کو سابق صدر پرویز مشرف کا دوست ظاہر کیا اورملزم نے پلاٹ خریدنے اور امریکہ بھجوانے کا جھانسہ دیکر فراڈ کیاجبکہ ایف آئی اے حکام نے مقدمہ درج کرنے کی بجائے غیراخلاقی رویہ اپنایا گیا، ایف آئی اے حکام ملزم کیخلاف شواہد لینے سے بھی گریزاں ہے،درخواست گزار نے عدالت سے استدعا کی کہ عدالت ڈی جی ایف آئی اے سمیت دیگر فریقین کو طلب کرلیاہے۔

درخواست پی ایچ ڈی اسکالر عمرانہ بابر کی جانب سے دائر کی گئی۔( حسن رضاہاشمی) ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔