دنیا میں انتہا پسندی کا ٹھیکیدار امریکا آج خود انتہا پسندی کا شکار ہو گیا۔ٹرمپ کے صدر منتخب ہونے پر دنیا کی مختلف معروف شخصیات کا ردعمل

Mian Nadeem میاں محمد ندیم بدھ 9 نومبر 2016 15:33

دنیا میں انتہا پسندی کا ٹھیکیدار امریکا آج خود انتہا پسندی کا شکار ..

ا سلام آباد(اردو پوائنٹ اخبارتازہ ترین-انٹرنیشنل پریس ایجنسی۔09 نومبر۔2016ء) امریکی تاجر ڈونلڈ ٹرمپ کے امریکا کے 45ویں صدر منتخب ہونے پر سوشل میڈیا پر خوشی اور غم سے بھرپور ملے جلے تاثرات دیکھنے کو ملے، جہاں کئی لوگ خوشی سے سرشار تھے تو کچھ نے انتخابی نتائج پر حیرانی و پریشانی کا اظہار کیا۔ٹرمپ کی کامیابی کو مجموعی طور پر دنیا میں منفی نظر سے دیکھا جا رہا ہے، جس کی وجہ ان کا ماضی اور صدارتی مہم سے قبل اور اس دوران دیئے جانے والے متنازع بیانات ہیں۔

ٹرمپ کی کامیابی کے بعد جہاں ایشیائی شیئرز کی مارکیٹ متاثر ہوئی وہیں عوام کی اکثریت نے بھی غم و غصے کا اظہار کیا ہے۔شہباز جمال نے ٹوئٹر پر اپنے پیغام میں کہا کہ امریکا 9/11 کو کبھی نہیں بھولے گا اور 11/9 پر ہمیشہ افسوس کرے گا۔

(جاری ہے)

علی اکرام نے کہا کہ ڈونلڈ ٹرمپ دعویٰ کر رہے ہیں کہ وہ امریکا کو دوبارہ عظیم بنائیں گے جبکہ بقیہ دنیا کہہ رہی ہے کہ امریکا دوبارہ ووٹ کرے۔

ماجد آغا نے بھی ٹرمپ کے انتخاب پر افسوس کا اظہار کرتے ہوئے کہا کہ دنیا میں انتہا پسندی کا ٹھیکیدار امریکا آج خود انتہا پسندی کا شکار ہو گیا۔سرجیکل اسٹرائیکر کے نام سے کی گئی ٹوئٹ میں خبردار کیا گیا کہ ٹرمپ کے انتخاب کے بعد امریکا خانہ جنگی کا شکار ہو سکتا ہے۔پاکستانیوں کے ساتھ ساتھ عالمی سطح پر بھی ٹرمپ کی آمد کو زیادہ سراہا نہیں جا رہا اور اسے دنیا بھر کیلئے خطرہ قرار دیا جا رہا ہے۔

پیڈی پاور کی جانب سے ٹوئٹ میں ڈبلیو ڈبلیو ای کی ایک ویڈیو شیئر کرتے ہوئے کہا گیا کہ اب صرف ریسلر اسٹون لوڈ ہی بچا سکتے ہیں۔لیکن فلپ بلوم نے ٹرمپ کو مبارکباد دیتے ہوئے کہا کہ مجھے امید ہے ٹرمپ مجھ جیسے لوگوں کو غلط ثابت کریں گے، میں ان کیلئے نیک خواہشات کا اظہار کرتا ہوں۔لیکن ساتھ ساتھ ڈبلیو ڈبلیو ای کی ایک اور ویڈیو میں ٹرمپ کی متشدد شخصیت کی عکاسی کرتے ہوئے بتایا کہ یہ امریکا کے نئے صدر ہیں۔رینی نے ٹرمپ کے انتخاب کو امریکا کی 'ڈراونی کہانی' قرار دیا۔ایک اور شخص نے امریکی عوام پر طنز کرتے ہوئے کہا کہ وہ اپنے امریکی صدر کے انتخاب سے زیادہ میک ڈونلڈ پر آرڈر دیتے ہوئے سنجیدگی کا مظاہرہ کرتے ہیں۔

متعلقہ عنوان :