عشرت العبادکے 14 سالہ اقتدار کا سورج غروب
حکومت کا جسٹس (ر) سعید الزمان صدیقی کو گورنر سندھ بنانے کا اصولی فیصلہ گورنر تبدیلی کا فیصلہ وزیراعظم کی صدرمملکت سے ملا قات میں کیا گیا ،ذرا ئع عہدہ سنبھالنے کے بعد کراچی میں امن وامان کی بحالی کیلئے مزید کام کروں گا، سعید الزماں صدیقی گورنرکی تبدیلی وفاقی حکومت کا استحقاق ہے،قیام امن کے لیے کام کر تا رہوں گا،عشرت العباد
بدھ 9 نومبر 2016 14:26
(جاری ہے)
سعید الزمان کی تعیناتی کا اصولی فیصلہ وزیر اعظم نواز شریف کریں گے جس کے بعد صدر مملکت کی جانب سے گورنر کی تعیناتی کا باقاعدہ نوٹیفیکیشن جاری کیا جائے گا ۔
واضح رہے کہ جسٹس ریٹائرڈ سعید الزماں صدیقی 1999 میں چیف جسٹس آف پاکستان تھے تاہم انہوں نے پی سی او کے تحت حلف نہیں لیا تھا۔ سعید الزمان صدیقی 2008 میں مسلم لیگ(ن) کے ٹکٹ پر پاکستان پیپلزپارٹی کے نامزد امیدوار آصف علی زرداری کے خلاف صدارتی الیکشن میں حصہ لیا تھا ۔ گورنر سندھ ڈاکٹر عشرت العباد 27 دسمبر 2002 سے اب تک 14 سال گورنر سندھ کے عہدے پر براجمان رہے ۔ 2013 میں کراچی میں شروع کئے گئے آپریشن کے بعد ایم کیو ایم نے ان سے لاتعلقی کااظہارکیا تھا جبکہ گزشتہ ماہ پاک سرزمین پارٹی کے چیئرمین مصطفیٰ کمال نے بھی انہیں دہری شہریت کا حامل ہونے کا الزام لگایا تھا۔ اس کے علاوہ ان پر کرپشن کے بھی الزام عائد کئے گئے تھے۔دوسری جانب جسٹس(ر) سعید الزمان صدیقی نے گورنر سندھ تعینات کئے جانے کی اطلاعات کی تصدیق کرتے ہوئے کہاکہ گورنر سندھ تعینات کئے جانے کی خبر ملنے پر بے حد خوشی ہوئی انہوں نے کہا کہ کوشش کروں گا کہ سندھ میں امن وامان قائم کرنے کے لئے مزید کام کر سکوں ۔ انشاء اللہ امن کے قیام میں اللہ کامیابی دے گا انہوں نے مزید کہا کہ میرے خیال میں ڈاکٹر عشرت العباد اور مصطفیٰ کمال میں ہونے والی الفاظی جنگ اور الزامات کے باعث عہدے سے ہٹایا جا رہا ہے ۔دریں اثناء وفاقی حکومت کی جانب سے گورنر سندھ کی تبدیلی کے فیصلے سے عشرت العباد بھی لاعلم نکلے ،ان کا کہنا ہے کہ گورنر سندھ کی تبدیلی کے حوالے سے اسلام آباد نے ابھی تک آگاہ نہیں کیا۔ گورنر سندھ عشر ت العباد نے کہا کہ گورنر کی تبدیلی وفاقی حکومت کا استحقاق ہے ،وہ جو مرضی فیصلہ کرے قبول ہو گا۔ان کا کہنا تھا کہ گورنر سندھ کے عہدے پر رہتے ہوئے ہمیشہ کراچی کے امن اور سندھ کے مفاد کے لیے کام کیا۔انہوں نے مزید کہا کہ گورنر نہ بھی رہا تو کراچی کے امن کے لیے کام کرتا رہوں گا۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.