این اے 110، سپریم کورٹ نے سماعت آئندہ کل تک ملتوی کر دی
حلقے میں 50 ہزار ووٹ غیر مصدقہ تھے۔ پی ٹیآئی وکیل بابر اعوان
سمیرا فقیرحسین منگل 8 نومبر 2016 14:00
اسلام آباد(اُردو پوائنٹ تازہ ترین اخبار۔08 نومبر 2016ء): سپریم کورٹ میں خواجہ آصف کے خلاف این اے 110 سے متعلق اپیل کی سماعت ہوئی ۔ سپریم کورٹ میں این اے 110 میں انتخابی عُذر داری سے متعلق پی ٹی آئی رہنما عثمان ڈار نے اپیل دائر کر رکھی تھی جس پر آج سپریم کورٹ میں چیف جسٹس کی سربراہی میں تین رُکنی بنچ نے سماعت کی۔ سماعت کے دوران دلائل دیتے ہوئے پی ٹی آئی رہنما عثمان ڈار کے وکیل بابر اعوان نے کہا کہ حلقے میں 50 ہزار ووٹ غیر مصدقہ تھے۔
انہوں نے کہا کہ حلقے میں خواجہ آصف کی جیت کا مارجن محض 20 ہزار تھا۔ ریٹرننگ آفیسر خواجہ آصف سے ملا ہوا تھا۔ جس پر جسٹس امیر ہانی مسلم کا کہنا تھا کہ یہ بھی سوال ہے کہ حلقے میں موجود غیر مصدقہ ووٹ کس کو ملے؟ بابر اعوان نے عدالت کو بتایا کہ این اے 110 میں کاؤنٹر فائلز پر شناختی کارڈز بھی غلط تھے۔(جاری ہے)
جسٹس امیر ہانی مسلم نے دریافت کیا کہ غیر مصدقہ شناختی کارڈ کا کیا مطلب ہوا؟ چیف جسٹس نے بھی استفسار کیا کہ آپ نے کتنے پولنگ بوتھ سے ووٹوں کی تصدیق کروائی؟ جس پر بابر اعوان نے کہا کہ غیر مصدقہ شناختی کارڈ کا مطلب یہ ہے کہ ووٹرز رجسٹرڈ نہیں تھے یا ان کے شناختی کارڈز کے نمبر پورے نہیں تھے۔
بابر اعوان نے مؤقف دیا کہ ریٹرننگ آفیسر نے الیکشن میں دھاندلی کی۔ جس پر جسٹس امیر ہانی مسلم کا کہنا تھا کہ اس معاملے پر الیکشن کمیشن کو بُلا کر ان کا مؤقف سننا ضروری ہے۔ بابر اعوان کے دلائل مکمل نہ ہونے پر سپریم کورٹ نے اپیل پر مزید سماعت کو آئندہ کل تک ملتوی کر دیا۔ بابر اعوان کل بھی اپنے دلائل دیں گے۔ خیال رہے کہ این اے 110 سیالکوٹ سے مسلم لیگ ن کے رہنما خواجہ آصف کامیاب ہوئے تھے جس کے بعد پی ٹی آئی رہنما عثمان ڈار نے حلقے میں انتخابی عُذرداری سے متعلق اپیل سپریم کورٹ میں دائر کی تھی۔مزید اہم خبریں
-
وزیراعظم محمد شہباز شریف کا مسلم لیگ (ن) اور اتحادی جماعتوں کے اراکین سے فرداً فرداً مصافحہ
-
ایئر پورٹس کی آئوٹ سورسنگ کے لیے ترکیہ نے دلچسپی ظاہر کر دی
-
ہمارے لیے کچھ ممالک کے ساتھ تعلقات کی مذہبی اور معاشی لحاظ سے بہت اہمیت ہے، وزیر دفاع
-
ایرانی صدر کا دورہ پاکستان پہلے سے طے شدہ تھا، اسرائیل سے صورتحال ابھی پیدا ہوئی، اس کا دورے سے کوئی تعلق نہیں ،اسحاق ڈار
-
رانا ثنا اللہ کے خلاف مقدمہ درج کرنے کی درخواست پر ایس ایس پی ملیر کو نوٹس جاری
-
پی ٹی اے کی مجوزہ کلاس ویلیو ایڈڈ سروسز (سی وی اے ایس) لائسنس ٹیمپلیٹ پر آل پاکستان نیٹ ورک ایسوسی ایشن
-
بشریٰ بی بی کی بنی گالہ سے اڈیالہ جیل منتقلی کی درخواست دوبارہ بحال، سماعت 22 اپریل کو ہوگی
-
اڈیالہ جیل پر دہشتگردوں کے حملہ کی اطلاعات ہیں، وزارت داخلہ نے عدالت میں رپورٹ جمع کروادی
-
پاکستانی حکومت کے تحفظات پر ان کے ساتھ مل کر کام کر رہے ہیں، سوشل میڈیا پلیٹ فارم ایکس کا بیان
-
نوازشریف کہتے ہیں ہمسائے سے لڑائی نہیں کرنی، مریم نواز
-
حزب اللہ کا حملہ: متعدد اسرائیلی فوجی زخمی، چھ کی حالت نازک
-
پاکستانی حکومت کے تحفظات جاننے کی کوشش کر رہے ہیں، ایکس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.