پی ایس ایل فائنل کیلئے غیر ملکی سپرسٹارکرکٹرز لاہور آنے کو تیار

منگل 8 نومبر 2016 13:52

لاہور(اُردو پوائنٹ اخبارتازہ ترین - آئی این پی۔ 08 نومبر2016ء) دوسری پاکستان سپرلیگ کا فائنل لاہور میں ہونے کے امکانات روشن ہوگئے ہیں، جس کا گزشتہ ماہ پی سی بی کی ایگزیکٹو کمیٹی کے چیئرمین نجم سیٹھی اعلان کرچکے ہیںتاہم اس حوالے سے غیرملکی کھلاڑیوں کے راضی ہونے کے بارے میں خدشات موجودہیں۔باوثوق ذرائع نے دعویٰ کیاہے کہ پاکستان سپر لیگ کے دوسرے ایڈیشن کے لئے غیر ملکی کھلاڑیوں نے معاہدوں پر دستخط کر دئیے ہیں جس کے مطابق غیر ملکی کھلاڑیوں کی اکثریت فائنل کھیلنے کے لئے لاہور آنے کو تیارہے ۔

پی ایس ایل فائنل سیکیورٹی کلیئرنس کے بعد کھلاڑیوں نے پاکستان آنے کی یقین دہانی کر ادی ۔کہاجارہاہے کہ پی ایس ایل فائنل کے لئے لاہور آنے والے کھلاڑیوں کو اضافی معاوضہ دیا جائے گا ۔

(جاری ہے)

ذرائع کا دعوی ہے کہ پاکستان میں پی ایس ایل کافائنل کھیلنے کیلئے برینڈن میکولم،ڈیرن براوو،کیمرون ڈیلپورٹ ،ڈیرن سمی ،این مورگن،کرس جارڈن،ایلکس ہیلز،سنگاکارا،جے وردھنے،آندرے رسل،سیموئیل بدری لاہور میں کھیلنے پر راضی ہیں ۔پروگرام کے مطابق غیر ملکی کھلاڑی 4اور 5 مارچ کی درمیانی شب لاہور پہنچیں گے جہاں وہ نیشنل کر کٹ اکیڈمی میں قیام کریں گے ۔پی سی بی اور پی ایس ایل انتظامیہ کی جانب سے کھلاڑیوں کو فول پروف سیکیورٹی کی یقین دہانی کر ائی گئی ہے ۔