جماعت اسلامی کی کرپشن فری پاکستان تحریک مثبت نتائج لائی ہے ٬ عوام کرپشن اور کرپٹ مافیا کے خلاف بیدار ہورہے ہیں ٬ عوام کو اعلیٰ عدلیہ سے ہمیشہ انصاف کے حصول کے لیے اچھی توقعات رہتی ہیں٬ امید ہے سپریم کورٹ کرپشن ٬ پانامہ لیکس کے حوالے سے تحقیقات اور احتساب کا موثر روڈ میپ دے گی ٬ پاک چائینہ اقتصادی راہداری منصوبہ کو سیاسی اختلافات کا شکار نہیں ہوناچاہیے ٬ وزیراعظم قومی قیادت کے ساتھ کیے گئے قومی اتفاق رائے پر بروقت اور فوری اقدامات کریں ٬ سی پیک منصوبہ 20 تا25 سال کی مدت کا ہے حکومت اور اپوزیشن اسے ٹی 20 کا کھیل نہ بنائیں٬ حکومت کی 2018 ء کے لیے غیر ضروری جلد بازی اور بے بنیاد دعوے اپوزیشن کو اختلاف کا موقع فراہم کر رہے ہیں

لاہور (اُردو پوائنٹ اخبارتازہ ترین - آئی این پی۔ 07 نومبر2016ء) جماعت اسلامی پاکستان کے سیکرٹری جنرل لیاقت بلوچ نے کہا ہے کہ بلوچستان ٬ خیبر پختونخوا اور پنجاب میں جماعت اسلامی کے صوبائی اجتماعات بہت کامیاب اور حوصلہ افزاء ہوئے ہیں جن سے کارکنان میں ولولہ تازہ پیدا ہوا ہے ۔ سیاسی بحران میں عوام کی یکجہتی اور اعتماد کے لیے کارکنان کو گلی محلوں ٬ مساجد ٬ بازاروں ٬ خواتین اور نوجوانوں میں بھر پور کام کرنا ہے ۔

پیرکو پی پی 151 کے زونل اور یوسی امرا کے اجلاس سے گفتگو کرتے ہوئے لیاقت بلوچ نے کہاکہ جماعت اسلامی کی کرپشن فری پاکستان تحریک مثبت نتائج لائی ہے ۔ عوام کرپشن اور کرپٹ مافیا کے خلاف بیدار ہورہے ہیں ۔ انہوں نے کہاکہ سپریم کورٹ ایسا ادارہ ہے جس سے تمام متاثرہ فریقین رابطہ کرتے ہیں ۔

(جاری ہے)

عوام کو اعلیٰ عدلیہ سے ہمیشہ انصاف کے حصول کے لیے اچھی توقعات رہتی ہیں ۔

امید ہے سپریم کورٹ کرپشن ٬ پانامہ لیکس کے حوالے سے تحقیقات اور احتساب کا موثر روڈ میپ دے گی ۔ لیاقت بلوچ نے کہاکہ پاک چائینہ اقتصادی راہداری منصوبہ کو سیاسی اختلافات کا شکار نہیں ہوناچاہیے ۔ وزیراعظم قومی قیادت کے ساتھ کیے گئے قومی اتفاق رائے پر بروقت اور فوری اقدامات کریں ۔ سی پیک منصوبہ 20 تا25 سال کی مدت کا ہے حکومت اور اپوزیشن اسے -T 20 کا کھیل نہ بنائیں۔

انہوں نے کہاکہ حکومت کی 2018 ء کے لیے غیر ضروری جلد بازی اور بے بنیاد دعوے اپوزیشن کو اختلاف کا موقع فراہم کر رہے ہیں ۔ حکومت اپنی سیاست سی پیک پنجرے میں بند نہ کرے ۔ انہوںنے کہاکہ افغان خاتون شربت گلہ کا مسئلہ انسانی بنیادوں پر حل کیا جائے ۔ افغان مہاجرین کی طرح ایک عورت کے مسئلہ کو بھی اچھی حکمت عملی سے حل کیا جائے ۔