آرمی چیف کا کھاریاں اور گوجرانوالہ میں مشقوں کا دورہ ٬فیلڈ مشقوں کا معائنہ کیا

جوانوں کی بہترین تربیت ٬ پیشہ وارانہ مہارت اور جذبہ قابل تعریف ہے٬آرمی چیف جنرل راحیل شریف

پیر 7 نومبر 2016 13:23

راولپنڈی (اُردو پوائنٹ اخبارتازہ ترین - آئی این پی۔ 07 نومبر2016ء) آرمی چیف جنرل راحیل شریف نے کھاریاں اور گوجرانوالہ میں جاری فوجی مشقوں کا دورہ کیا اور جوانوں کی پیشہ وارانہ صلاحیتوں کو سراہا۔پاک فوج کے شعبہ تعلقات عامہ آئی ایس پی آرکے مطابق سپہ سالار جنرل راحیل شریف نے کھاریاں اور گوجرانوالہ میں جاری فوجی مشقوں کا دورہ کیا اور جوانوں کی پیشہ وارانہ صلاحیتوں کو سراہا۔

دورے کے دوران آرمی چیف جنرل راحیل شریف کو مشقوں پر بریفنگ بھی دی گئی۔

(جاری ہے)

انہوں نے رات کو فیلڈ مشقوں کا بھی معائنہ کیا۔ فیلڈ مشقیں وسطی و جنوبی کمانڈ کے تحت جاری ہیں۔مشقوں کا مقصد آپریشنل منصوبہ بندی اور تیاری کو بہتر بنانا ہے۔سینٹرل کمانڈ کی پیدل فوج اور پنجاب رینجرز نے بھی مشقوں میں شرکت کی۔آئی ایس پی آر کے مطابق آرمی چیف نے دورے کے دوران بات کرتے ہوئے کہا کہ جوانوں کی بہترین تربیت ٬ پیشہ وارانہ مہارت اور جذبہ قابل تعریف ہے۔ اس موقع پر کور کمانڈر گرجرانوالہ لیفٹیننٹ جنرل اکرام الحق ٬ کمانڈر سینٹرل کمانڈ لیفٹیننٹ جنرل عمر درانی اور لیفٹیننٹ جنرل قمر باجوہ بھی موجود تھے۔