رب کی بجائے سبب پر یقین رکھنے سے ذلت و رسوائی ہمارا مقدر بنی ٬ناراض رب کو رات کی تاریکیوں میں اٹھ کر مناناہو گا‘ علماء کرام
تاجر اپنی تجارت ٬کسان اپنی زراعت ٬ملازم اپنی ملازمت شریعت کے مطابق کرے تو اللہ رب العزت کے انعامات کی برسات ہوگی ْکامیابی اور کامرانی کیلئے ہم دنیا کے آگے جھک رہے ہیں٬ایمان اور یقین کی دعوت کو عام کرنا ہوگا اللہ سے ٹوٹے ہوئے تعلق کو جوڑنے کیلئے تبلیغ اور دعوت کو اپنانا ہو گا‘تبلیغی اجتماع کی مختلف نشستوں سے مولانا عبدالرحمان بمبئی والے ٬مولانا محمد فاروق ٬مولانا محمد زبیر ٬مولانا محمد ابراہیم ودیگر کا خطاب /تیسرے روز شرکاء کی تعداد 7 لاکھ سے تجاوز کرگئی
ہفتہ 5 نومبر 2016 14:15
(جاری ہے)
اپنے عظیم خالق اور مالک کو ناراض کرکے تمام مصیبتیں اور تکلیفیں اٹھا رہے ہیں اس ناراض رب کو رات کی تاریکیوں میں رو رو کر منانا ہے ٬مسائل کا حل ہمارے پاس ساڑھے چودہ سوسال قبل آقائے کائنات ﷺدیکر گئے ہیں ٬تاجر اپنی تجارت ٬کسان اپنی زراعت ٬ملازم اپنی ملازمت شریعت کے مطابق کرے تو اللہ رب العزت کے انعامات کی برسات ہوگی زندگی آسان ہو جائیگی دین کے تمام تقاضوں کیساتھ اپنے فرائض سرانجام دینا ہونگے تبھی ہمیں اللہ کا قرب حاصل ہو گا اللہ کا بندہ بن کر جینا سیکھ لیا تو آسانی ہوگی آج کا مسلمان بیمار ہو چکا ہے اسکا ایمانی پریشر کم ہو گیا ہے جسکی وجہ سے بے دینی پھیل رہی ہے گھروں سے برکتیں اٹھ گئی ہیں ماحول ناساز ہوگئے ہیں اولادیں نافرمان ہو چکی ہیں رزق کی فراوانی کے باجود دلوں کو سکون اور اطمینان نہیں ان تمام بیماریوں اور مسائل کا حل دین اسلام کی مکمل پیروی اور سرور کائنات ﷺ کے فرمان میں مضمر ہے نجات اور فلاح کا راستہ ہمارے پاس ہیں اسکے باجود ہم جگہ جگہ دربدر ٹھوکریں کھا رہے ہیں دین اسلام کی مکمل تابعداری اپنی خواہشات کا خاتمہ کرکے اللہ کے احکامات کے مطابق چلنے سے خوشحالی کی راہیں کھلیں گی مسلمانوں کے ایمان کے پریشر کو بلند کرنے کیلئے دعوت کے کام کو بڑھانا ہوگا مساجد میں تعلیم کو عام کرنا ہوگا اسلامی تعلیمات کے فروغ اور بے دینی کے خاتمے کیلئے مساجد کی رونقیں دوبالا کرنی ہونگیں پڑوسیوں اور اہل و عیال کے حقوق کا خیال رکھتے ہوئے انہیں جہنم سے بچانے کی فکر اور تڑپ پیدا کرنا ہوگی نماز کو اپنا اوڑھنا بچھونا بنانا ہوگا نماز اللہ سے رابطے کا ذریعہ ہے جس طرح حکومتیں اپنے کارندوں اور بندوں سے رابطے کیلئے انہیں وائر لیس سیٹ اور دیگر رابطے کی سہولیات فراہم کرتی ہیں اسی طرح اللہ رب العزت نے آقائے کائنات ﷺکی امت کو رابطے کیلئے نماز عطا کی ہے تاکہ اللہ سے قرب کا سلسلہ منقطع نہ ہو اللہ کے دربار میں حاضری کا نام نماز ہے نماز کے ذریعے اپنی حاجات اللہ کے سامنے پیش کرنی ہیں راتوں کا قیام دن کی محنت سے دعوت کا کام کھڑا ہوگامساجد میں دل لگائیں مساجد کو آباد کریں دین کی آبیاری اور فروغ کیلئے مساجد نے بنیادی کردار ادا کیا ہے صحابہ اکرام نے مساجد میں زیادہ وقت گزارا اپنے اعمال کو مساجد میں ٹھیک کیا پھر اپنے دلوں میں پیدا دین کی تڑپ کو پوری دنیا میں پھیلانے کیلئے اپنا تن من دھن قربان کیا مقررین نے کہاکہ اغراض پسندی اور باہمی عداوت کے خاتمے کیلئے اللہ کے روحانی نظام دین اسلام کو اپنی زندگی میں لاگو کرنا ہوگا انسان کے جسم میں جو روح ہے اس نے جسم کے دیگر اعضاء کوآپس میں جوڑا ہوا ہے آنکھ اپنے لئے کم دیکھتی ہے اسکا کام زیادہ دوسرے اعضاء کو فائدہ پہنچانا ہوتا ہے ہاتھ اپنے دیگر اعضاء کو نقصان نہیں پہنچاتے اسی طرح اللہ رب العزت نے انسان کے اندر ایک روحانی نظام قائم کیا ہوا ہے جو ہمدردی ٬خیر خواہی پیدا کرکے انسانیت کی فلاح اور بھلائی کیلئے کام کرتا ہے اس نظام کو قائم کرنے سے بیوی اپنے خاوند کی خدمت اللہ کا حکم سمجھ کر کریگی اولاد اپنے والدین کی اطاعت رب کائنات کا فرمان سمجھ کر کریگی اس نظام کو قائم کرنے کیلئے اپنی خواہشات کو ترک کرنا ہو گا۔
مزید قومی خبریں
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
-
پنجاب بھر میں پلاسٹک بیگز کے استعمال پرپابندی کا اعلان، وزیراعلیٰ نے منظوری دیدی
-
ایف آئی اے کی کارروائی ،قابل اعتراض تصاویر اور ویڈیو شیئر کرنے والا ملزم گرفتار
-
مفکر پاکستان شاعرمشرق ڈاکٹر سر علامہ محمد اقبال کا86واں یوم وفات 21اپریل اتوار کو منایا جائے گا
-
بشریٰ بی بی کی بنی گالہ سے اڈیالہ جیل منتقلی کی عدم پیروی پر خارج درخواست بحال
-
وزیر اعلیٰ خیبرپختونخواہ کی ہدایت پر روٹی/ نان کی قیمتوں میں بھی نمایاں کمی کردی گئی
-
راولپنڈی،تھانہ آراے بازار پولیس نے 16 سالہ لڑکے سے زیادتی کرنے والے مزید 2 ملزمان گرفتارکرلئے
-
راولپنڈی،تھانہ صادق آباد پولیس نازیبا اور فحش حرکات کرکے خاتون کو ہراساں کرنے والا ملزم گرفتارکر لیا
-
رینجرز اور پولیس کی مشترکہ کارروائی، متعدد وارداتوں میں ملوث4 ملزمان گرفتار
-
لاہور کے صحافیوں کے لئے جلد فیز ٹو لا رہے ہیں،ہماری ڈکشنری میں فیورٹ ازم نہیں: عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.