حکمرانوں کا ظلم و تشدد کرپشن کے خلاف ہماری جدوجہد کو متزلزل نہیں کر سکتا٬پرویزخٹک
کوئی غلط فہمی میں نہ رہے٬ چوروں کی تلاشی لینے کے عدالتی فیصلے کا خیر مقدم کرتے ہیں٬تلاشی ضرور ہوگی چوری چھپانے کیلئے ٹی او آرز میں روڑے اٹکائے٬ تاخیری حربے استعمال کئے جارہے تھے ٬ ہمارا مقصد نواز شریف کا استعفیٰ یا تلاشی تھا٬وزیراعلی خیبرپختونخوا
بدھ 2 نومبر 2016 20:16
(جاری ہے)
ہمارا مقصد یہی تھا کہ نواز شریف استعفیٰ دے یا تلاشی دے چونکہ اب عدالت عظمیٰ نے تلاشی کا فیصلہ کر لیا ہے جو ہمارے موقف کی تائید ہے۔ یہی وجہ ہے کہ تحریک انصاف نے تلاشی کیلئے اپنے احتجاج کو موخر کیا ہے۔
صوابی انٹرچینج پہنچنے پر وزیراعلیٰ کا پر تپاک استقبال کیا گیا ۔ سپیکر صوبائی اسمبلی اسد قیصر٬ صوبائی وزراء محمد عاطف خان٬ شہرام ترکئی٬میاں جمشید الدین کاکا خیل٬ مشیر برائے وزیراعلیٰ اکبر ایوب ٬مشتاق احمد غنی٬ ایم این اے ڈاکٹر عمران خٹک ٬ضلع ناظم نوشہرہ لیاقت خٹک٬ نہار خان تحریک کے دیگر قائدین اور ضلع و تحصیل کے ممبران اور کارکنوں کی کثیر تعدا د موجود تھی ۔ وزیراعلیٰ نے برہان انٹرچینج سے ریلی کی واپسی سے متعلق بات کرتے ہوئے کہا کہ وہ اپنے موقف پر قائم ہیں اور انہوںنے کوئی یوٹرن نہیں لیا۔ پارٹی قیادت کی مشاورت کے بعد عدالت عظمیٰ کے فیصلے کا انتظار کیا۔ حکمرانوں نے پرامن کارکنوں کو کچلنے کا ٹھوس پروگرام بنا لیا تھا اور اس مقصد کیلئے سرکاری وسائل استعمال کر رہے تھے۔ ہم نے کارکنوں کو جانی نقصان سے بچانے کیلئے تصادم سے بچنے کا فیصلہ کیا ۔ ہم پرامن ہیں اور پرامن طریقے سے اپنے احتجاج کے حق پر یقین رکھتے ہیں۔ پرویز خٹک نے کہا کہ حکومت نے ریلی پر تشدد اور وحشیانہ شیلنگ کی حد کر دی تھی ۔الله تعالیٰ کا شکر ہے کہ کوئی جانی نقصان نہیں ہوا۔دو کارکنوں کی شہادت کی خبر درست نہیں ہے ہمارا کوئی کارکن شہید نہیں ہوا تاہم کارکن بے تحاشا زخمی اور بے ہوش ہوئے ہیں ۔ ہم بہادر کارکنوں کے جذبے کو داد دیتے ہیں یہ ہمارے ہیرو اورغازی ہیں ۔پاکستان کی تاریخ میں پہلی بار عام کارکن ظالم اور جابر حکمرانوں کے خلا ف کھڑے ہوئے ہیں۔عام کارکن چوروں کی تلاشی چاہتے ہیں۔ یہ کسی حقیقی جمہوریت میں ہو سکتا ہے مگر پاکستان میں یہ نئی تاریخ ہے جو تحریک انصاف کے بہادر کارکنوں نے رقم کی ہے ۔ وزیراعلیٰ نے کہاکہ بد عنوان حکمرانوں کو کیفرکردار تک پہچانے کا ہمارا عزم برقرار رہے گا اور اسے انجام تک پہنچانا ہمارا مشن ہے ۔ یہ نیا پاکستان ہے ۔ وزیراعلیٰ نے کہاکہ یہ ہماری بدقسمتی ہے کہ ہمارے ملک پر کرپٹ اور بد عنوان حکمران آتے ہیں اور قومی خزانے کواپنی جاگیر سمجھ کر کھا جاتے ہیں اور عوام پر مسائل کے انبار ڈالتے ہیں۔ یہ حکمران ہمارے ملک کیلئے ناسورہیں جو چوری کے ذریعے ملک کی دولت کو باہر لے جاتے ہیں اور اپنی ذاتی تجوریاں بھرتے ہیں۔ انہوںنے کہاکہ یہ ملک کے حقیقی دشمن ہیں۔انہوں نے کہاکہ کرپشن اور بد عنوان سیاستدانوں کے خلاف پاکستان تحریک انصاف یہ جنگ منطقی انجام تک پہنچائے گی اورقوم کو ان ظالم اور چور سیاستدانوں کے چنگل سے آزاد کرائے گی ۔ انہوں نے کہاکہ ہماری پرامن ریلی پر ہونے والی بربریت یاد رکھیں گے ۔ اس کے باوجود ہمارے کارکن کھڑے رہے۔ یہی وجہ ہے کہ اب نیا پاکستان بننے جارہا ہے۔اس سے قبل نوشہرہ مردان اور دیگر اضلاع کے جلوس صوابی پہنچے جن کی قیادت صوبائی وزرا میاں جمشید الدین کاکاخیل ٬ عاطف خان ٬ میاں خلیق الرحمن ٬ ادریس خٹک اور رضا للہ خان اور زرعالم نے کی۔ بعدازاں وزیر اعلی خیبرپختونخوا کی قیادت میں ہزاروں گاڑیوں کاجلوس پی ٹی ائی کے چیرمین عمران خان کے یوم تشکر کے جلسے عام میں شرکت کے لیے صوابی انٹر چینج سے روانہ ہوا۔متعلقہ عنوان :
مزید اہم خبریں
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
کل ہمارے یوم تاسیس پر پولیس کیک بھی اٹھا کر لے گئی تھی،بیر سٹر گوہر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.