عمران خان کو سیاست کی الف ب کا پتہ نہیں ٬ْ خواجہ آصف
جمہوری نظام میں پرامن جلسہ جلوس کرنے کا ہر کسی کو حق حاصل ہے ٬ْ لاک ڈائون یا انتشارکی کسی کو بھی اجازت نہیں ٬ْ موجودہ حکومت اور فوج ایک ہی صفحے پر ہیں ٬ْوزیر دفاع کا انٹرویو
بدھ 2 نومبر 2016 12:56
(جاری ہے)
ایک انٹرویو میں خواجہ آصف نے کہاکہ عمران خان نے ماضی کی طرح اب بھی کارکنوں کو تنہا چھوڑ دیا جو شخص بنی گالہ سے نہیں نکل سکا وہ کیا سیاست کریگا انہوں نے کہا کہ حکومت نے اپنی رٹ ہر حال میں قائم کرنا تھی کیونکہ عوام کے جان و مال کاتحفظ بھی حکومت وقت کی ذمہ داری ہوتا ہے جسے حکومت کی طرف سے پورا کیا گیا ہے٬ اورہم یقین دلاتے ہیں کہ مستقبل میں بھی کسی جتھے کو دارالحکومت پر دھاوے کی اجازت نہیں دیں گے اور عام شہریوں کے حقوق کے تحفظ کو یقینی بنایا جائیگا٬ وفاقی وزیر نے کہاکہ پی ٹی آئی کے کارکن صرف فیس بک پر ہی لڑنے والے اور کی بورڈ بجانے والے ہیں٬ عمران خان کو تو سیاست کی الف ب کا بھی نہیں پتہ وہ سیاست کیا کریں گے٬ پی ٹی آئی کے 2014ء کے دھرنے سے بھی ملک کو ناقابل تلافی نقصان ہوا اور اب بھی وہ ملک و قوم کا نقصان ہی کر رہے ہیں٬ میں نے کہا تھا کہ پی ٹی آئی کا یہ تماشہ جلد ختم ہو جائے گا٬ جمہوری نظام میں پرامن جلسہ جلوس کرنے کا ہر کسی کو حق حاصل ہے لیکن لاک ڈائون یا انتشارکی کسی کو بھی اجازت نہیں٬ انہوں نے کہا کہ پی ٹی آئی قیادت جس میں اسد عمر اور راولپنڈی کے دیگر لوگ شامل ہیں جواپنے حلقوں سے 500 لوگ بھی نہیں لاسکے اور باتیں تو ایسے کرتے ہیں جیسے بہت بڑے لیڈر ہوں٬ انہوں نے کہا کہ وزیراعظم محمد نواز شریف کی مقبولیت میں روز بروز اضافہ ہو رہا ہے جو اس بات کی دلیل ہے کہ 2018ء کے عام انتخابات میں بھی وہ پھر ملک کے وزیراعظم ہوں گے ٬ْ خواجہ محمد آصف نے کہا کہ پی ٹی آئی کی قیادت میں سوچنے اور سمجھنے کا فقدان ہے٬ ایک اور سوال کے جواب میں انہوں نے کہا کہ وزیراعظم محمد نواز شریف نے عدلیہ بحالی تحریک کیلئے جرات و بہادری کا مظاہرہ کیا جس پر آرمی چیف کو مداخلت کرنا پڑی٬ موجودہ حکومت اور فوج ایک ہی صفحے پر ہیں٬ ہماری مسلح افواج آپریشن ضرب عضب کی شکل میں اہم کامیابیاں حاصل کر رہی ہے جسے دنیا بھی سراہتی ہے٬ ملکی استحکام اور دہشت گردی کے جڑ سے خاتمے کے لیے ہماری افواج نے جو قربانیاں دی ہیںاور وہ جو جنگ لڑ رہے ہیں وہ لائق تحسین ہے جسے ہمیشہ یاد رکھا جائے گا٬ جنرل کیانی اور جنرل راحیل شریف کا کردار قابل تعریف ہے اورفوج کا کردار جمہوریت کے لیے تقویت کا باعث ہے۔
مزید اہم خبریں
-
علیمہ خان نے نواز شریف کو پانامہ کیس میں اقامہ پر سزا دینا غلطی قرار دیدیا
-
پاکستان: بھارت کے ساتھ تجارت بحال کرنے کی تجویز زیر غور ہے
-
پاکستان تحریک کی رہنماءصنم جاوید اور عالیہ حمزہ کو ضمانت کے بعد دوبارہ گرفتار کرلیا گیا
-
ون وے کی خلاف و رزی روکنے کیلئے لاہور کی مرکزی شاہراہوں پر ٹائر کلرز لگانے کا فیصلہ
-
پی آئی اے خرید لو، بین الاقوامی مارکیٹ میں عنقریب اشتہار ات شائع ہونے کو تیار
-
جنوبی افریقہ: بس حادثے میں درجنوں افراد ہلاک
-
پوٹن کے ساتھ اچھے تعلقات معاون ثابت ہو سکتے ہیں، سابق جرمن چانسلر
-
جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی،آصف علی زرداری
-
عمران خان پر پہلے بھی حملہ ہوچکا ہے کسی بڑے حادثے کے متحمل نہیں ہوسکتے،لاہور ہائیکورٹ
-
وزیراعظم کا بجلی چوری کی سہولت کاری میں ملوث سرکاری افسران کیخلاف کارروائی کا حکم
-
آئی ایم ایف کے ساتھ آنے والے دنوں میں بڑے پروگرام کی طرف جارہے ہیں،محمد اورنگزیب
-
زرمبادلہ ذخائر میں مزید اضافہ ہو گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.