وویک اوبرائے اور ایشوریامیں بریک اپ کی داستان سامنے آگئی

ممبئی (اُردو پوائنٹ اخبارتازہ ترین - این این آئی۔ 02 نومبر2016ء) بھارتی میڈیا کے مطابق ایشوریا رائے سلمان خان کے ساتھ بریک اپ کے بعد جہاں اپنی ذاتی زندگی سے بہت دکھی تھیں تو وہیں انھیں اپنے فلمی کیریئر نے بھی پریشان کیا ہوا تھا۔ کہا جاتا ہے کہ بالی ووڈ کی مشہور فلم چلتے چلتے میں رانی مکھرجی کی جگہ پہلے ایشوریا رائے ہی مرکزی کردار میں کاسٹ تھیں۔

شاہ رخ کے ساتھ انہوں نے کئی دنوں تک شوٹنگ بھی کی تھی٬ لیکن ایک دن سلمان فلم کے سیٹ پر پہنچے اور انہوں نے ایشوریا سے ملنے کے لئے شاہ رخ سے لڑائی کر لی۔ سلمان خان کے ہنگامے سے شاہ رخ اتنے پریشان ہوئے کہ انہوں نے ایشوریا کو فلم سے نکال دیا۔ اس دور میں ایسی حالت ہو گئی تھی کہ کوئی بھی ہیرو ایشوریا کے ساتھ کم نہیں کرنا چاہتا تھا کیونکہ اسے ڈر لگا رہتا تھا کہ کہیں سلمان اس سے جھگڑا نہ کریں۔

(جاری ہے)

بھارتی میڈیا رپورٹس کے مطابق یہی وہ موقع تھا جب ان کی زندگی میں وویک اوبرائے نے انٹری لی۔ وویک اوبرائے اور ایشوریہ ایک دوسرے کے انتہائی قریب آنے لگے۔ کئی مواقع پر وویک نے ایشوریا کے لئے اپنے پیار کا اظہار کیا۔ تاہم ایشوریا نے کبھی اپنے تعلقات پر کچھ بھی کھل کر نہیں کہا۔ یکم اپریل 2003ء کو ایسا ہوا کہ پوری دنیا نے ایشوریا٬ سلمان اور وویک اوبرائے کے رشتے کا کڑوا سچ دیکھا۔

وویک نے پریس کانفرنس میں الزام لگایا کہ سلمان نے انہیں 41 بار فون کیا اور انہیں گندی گالیاں دیں۔ وویک نے صحافیوں سے کہا کہ سلمان نے ایشوریا سے ان کی دوستی کی وجہ سے انہیں گالیاں دیں اور انہیں جان سے مارنے کی دھمکی بھی دی ہے۔وویک اوبرائے نے کئی انٹرویوز میں دعویٰ کیا کہ میں نے ایشوریا کے لئے سلمان سے جھگڑا کیا٬ لیکن انہوں نے میرا ساتھ نہیں دیا۔ یہاں تک کہ اس پریس کانفرنس کے بعد وویک سے انڈسٹری کے بہت سے لوگوں نے کنارہ کر لیا۔ اس کے بعد ایشوریا کی زندگی میں ابھیشیک نے انٹری لی اور وویک کے ساتھ ان کا رشتہ پوری طرح ختم ہو گیا۔