کارکنان عمران خان کی کال پر اسلام آباد پہنچیں٬وفاق کو پرویز خٹک کو اسلام آباد آنے سے نہیں روکنا چاہیے٬ ہمارے وکلاء کی ٹیم (آج) اسلام آباد ہائی کورٹ میں پیش ہو گی

پاکستان تحریک انصاف کے رہنما جہانگیر ترین کی میڈیا سے گفتگو

اتوار 30 اکتوبر 2016 20:40

اسلام آباد(اُردو پوائنٹ اخبارتازہ ترین - آئی این پی۔ 30 اکتوبر2016ء) پاکستان تحریک انصاف کے رہنما جہانگیر ترین نے کہا کہ کارکنان عمران خان کی کال پر اسلام آباد پہنچیں٬وفاق کو پرویز خٹک کو اسلام آباد آنے سے نہیں روکنا چاہیے٬ ہمارے وکلاء کی ٹیم (آج) پیر کو اسلام آباد ہائی کورٹ میں پیش ہو گی ۔ وہ اتوار کو یہاں میڈیا سے گفتگو کر رہے تھے ۔

(جاری ہے)

انہوں نے کہا کہ عمران خان کی کال پر کارکن بڑی تعداد میں اسلام آباد آجائیں گے ٬بنی گالہ میں پندرہ ہزار کارکنان کے کھانے کا بندوبست کر سکتے ہیں ٬ پی ٹی آئی چیئرمین اپنے کارکن کو مایوس نہیں کریں گے ۔جہانگیر ترین نے کہا کہ حکمران اپنی کرپشن بچانے کے لئے دیوار کے پیچھے چھپ رہے ہیں اور بنی گالہ کا محاصرہ کیا ہوا ہے ٬ ہمارے وکلاء کی ٹیم کل اسلام آبادہائی کورٹ میں ہوگی اور امید ہے کہ ہمیں عدالت سے ریلیف مل جائے گا ٬ حکومت خود اسلام آباد میں جلسے کر رہی ہے اور قانون صرف پی ٹی آئی ہے۔ انہوں نے کہا کہ ہم نے دھرنے کے تمام انتطامات مکمل کر لئے ہیں ٬ میں نے عمران خان کا بلند مورال دیکھا ہے