ْوسطی افریقی جمہوریہ میں تشدد کے واقعات میںہلاکتوں کی تعداد25 ہو گئی٬اقوام متحدہ کا اظہار تشویش

اتوار 30 اکتوبر 2016 11:10

بنگوئی ۔ (اُردو پوائنٹ اخبارتازہ ترین - اے پی پی۔ 30 اکتوبر2016ء) شورش زدہ افریقی ملک وسطی افریقہ جمہوریہ کے شہر بامباری میں گزشتہ دو روز سے جاری پرتشدد واقعات میں ہلاک ہونے والوں کی تعداد 25 ہو گئی ٬ اقوام متحدہ نے اس صورتحال پر تشویش کا اظہارکیا ہے۔

(جاری ہے)

میڈیا رپورٹس کے مطابق بامباری کے نواحی علاقوں میں شروع مسلح واقعات میں سابق ملیشیا سیلیکا اور مسیحی نگران گروپس ملوث ہیں۔

گزشتہ دو روز سے جاری پرتشدد واقعات میں ہلاک ہونے والوں کی تعداد 25 ہو گئی٬جن میں 6 فوجی اہلکار بھی شامل ہیں۔دریں اثناء اقوام متحدہ نے اس شہر اور گردونواح میں پائی جانے والی شدید کشیدگی اور تناؤ کی تصدیق کرتے ہوئے تشویش کا اظہار کیا ہے۔ عالمی ادارے نے متحارب فریقین سے اپیل کی ہے کہ وہ حملوں اور جوابی حملوں سے اجتناب کریں۔

Facebook Twitter Google + Share on Whatsapp

ْوسطی افریقی جمہوریہ میں تشدد کے واقعات میںہلاکتوں کی تعداد25 ہو گئی٬اقوام متحدہ کا اظہار تشویش

مزید بین الاقوامی خبریں