معاشی ترقی میں پی سی ایس آئی آر کے کردار پر سوات میں ایک روزہ سیمینار کا انعقاد
وفاقی وزیر سائنس و ٹیکنالوجی کا سوات میں ایک جدید سائنسی لیبارٹری کے قیام کا اعلان
جمعہ 28 اکتوبر 2016 20:33
(جاری ہے)
انھوں نے کہا کہ اس لیبارٹری سے یہاں کے بے روزگار نوجوانوں کو روزگار کے وسیع مواقع ملیں گے۔
انہوں نے کہاکہ وزارت کا قلم دان سنبھا لنے کے بعد انہوں نے انڈسٹری اور ریسرچ اداروں کے درمیان رابطوں کے فقدان کو شدت سے محسوس کرتے ہوئے ادارے کے چیئرمین کو ہدایت دی کہ مختلف چیمبرز اور ٹریڈ ایسوسی ایشنز سے رابطے بڑھائیں اورصنعتی مسائل کو انکی دہلیز پر حل کریں۔ وفاقی وزیرنے کہا کہ ہم نے حلال فوڈ اتھارٹی قائم کی ہے جس سے گوشت کے علاوہ ہمارے ہر قسم کی صنعتی و زرعی اشیاء کی سرٹیفیکیشن حاصل کرنی چاہئے ۔ انہوںنے کہاکہ سوات پورے ملک کیلئے ایک فروٹ باسکٹ کی حیثیت رکھتی ہے اوراقتصادی راہداری کی تعمیراوراس سے منسلک ہونے کے بعدیہاںکے پھلوںکی پیدوار کوعالمی منڈیوںتک رسائل حاصل ہوگی۔چیئرمین پی سی ایس آئی آرڈاکٹرشہزادعالم نے کہا کہ پاکستان کی سب سے بڑی ریسرچ لیبارٹری پی سی ایس آئی آر نے صنعت کی ترقی کیلئے مختلف قسم کی اشیاء کے فارمولے تیا ر کئے ہیںجن سے استفادہ کرتے ہوئے صنعت کار اپنی مصنوعات کو بہتر بناکرملک کی ترقی میں اپنا کردار ادا کرسکتے ہیں٬ اس وقت پاکستان میں ماربل کی تراش خراش اور پالش کی کوالٹی بین الاقوامی معیار کے مطابق نہیں ہے اس لئے پاکستانی خاص طور پر سواتی سنگ مر مر کی بہترین کوالٹی کی پیداوار کو ممکن بنانے کیلئے پی سی ایس آئی آرنوجوانوں کو تربیتی کورس کروائیگی۔انہوں نے فارمولیشن اور مفت تربیت دینے کا بھی اعلان کیا۔ سوات میں بہترین آڑو ٬ سیب اور جاپانی پھل پیدا ہوتا ہے۔ لیکن بد قسمتی سے اس کو بین الاقوامی منڈی میں ابھی تک بیچنے کے قابل نہیں بنایا جاسکا٬پی سی ایس آئی آر اپنے اداروں کے ذریعے مقامی کسانوں کو اپنے پھل برآمد کرنے میں مددے گی٬اس کیلئے دسمبر 2016 سے چھ ماہ کے فوڈ پراسسنگ کے تربیتی کورس کا آغاز کیا جارہا ہے۔شرکاء سے خطاب کرتے ہوئے بریگیڈیئر ظفر اقبال نے کہاکہ سوات میں گزشتہ سال 35ہزار ٹن آڑو ٬80 ہزار ٹن سیب اور 40 ہزار ٹن جاپانی پھل پیدا ہوا لیکن اس کو بین الاقوامی منڈی تک رسائی حاصل نہیں ہوسکی٬ ان پھلوں کو ویلوایڈیشن کے ساتھ درآمد کرکے نہ صرف ہم سوات کے مقامی لوگوں کو کثیر زر مبادلہ کمانے کے مواقع فراہم کرسکتے ہیں بلکہ مجموعی طور پر ملکی معیشت کو مضبوط بنانے میں اہم کردار ادا کرسکتے ہیںجسکا کا سب سے بڑفا ئدہ یہ ہوگا کہ جب مقامی نوجوانوں کو روزگار کے مواقع فراہم ہوںگے تو وہ پیسوں کی خاطر دہشت گردوں کے ہاتھوں میں کٹھ پتلی نہیں بنیں گے۔ اسی طرح سنگ مر مر کو بین الاقوامی معیار کے مطابق تیار کرکے برآمد کرنے سے بھی سوات میں معیار زندگی بہتر بنانے میں مدد ملے گی۔سوات چیمبر آف کامرس کے صدر حمید الرحمان صاحب نے مطالبہ پیش کیا کہ سڑکیں خراب ہونے کی وجہ سے علاقے کی سیاحتی سرگرمیاں ماند پڑ چکی ہیںتاہم وفاقی وزیر کے توسط سے ہم حکومت پاکستان سے گزارش کرتے ہیں کہ کالام تک سڑک کو بحال کیا جائے تاکہ ہمارا مقامی ذرائع آمدن دوبارہ بحال ہو جائے۔ صدر سوات ہوٹل ایسو سی ایشن حاجی زاہد نے بھی سڑکوں کی زبوں حالی پر روشنی ڈالی اور حاضرین کو بتایا کہ نئی سڑکیں بنانے کیلئے حکومت نے بیس ارب روپے مختص کرنے کا اعلان کیا ہے جب کہ پہلے سے موجود سڑکوں کی مرمت اس سے کہیں کم لاگت سے کی جاسکتی ہے۔ اس لئے نئی سڑک بچھانے کے ساتھ ساتھ پرانی سڑکوں کی مرمت پر بھی توجہ دی جائے اس سے ہوٹل اور سیاحتی صنعت کو دوبارہ کھڑے ہونے میں بہت مدد ملے گی۔ حاجی زاہد نے پی سی ایس آئی آر کو سوات میں لیبارٹری بنانے کیلئے دو کنال اراضی دینے کا بھی اعلان کیا۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.