فیصل آباد ٬47 واں واپڈا انٹریونٹ سرکل کبڈی ٹورنامنٹ فیسکو گرائونڈ میں شروع

جمعہ 28 اکتوبر 2016 19:40

فیصل آباد (اُردو پوائنٹ اخبارتازہ ترین - آن لائن۔ 28 اکتوبر2016ء) 47 واں واپڈا انٹریونٹ سرکل (کبڈی) ٹورنامنٹ فیسکو گرائونڈ عبداللہ پور میں شروع ہو گیا۔ ٹورنامنٹ کا ابتدائی میچ میپکو(ملتان) اور گیپکو( گوجرانوالہ) کے ٹیموں کے درمیان کھیلا گیا جس کے مہمان خصوصی مشترکہ طور پر چیف ایگزیکٹو فیسکورشید احمد اسلم اور چئیرمین ایچ آر کمیٹی جاوید کمال تھے۔

(جاری ہے)

اس موقع پر چیف ایگزیکٹو فیسکور شید احمد اسلم نے کہا کہ فیسکوکھیلوں کی ترقی کیلئے تمام تروسائل کو بروئے کا ر لا رہی ہے اور کھلاڑیوں کے مسائل کو ترجیحی بنیادوں پر حل کیا جا رہا ہے تاکہ وہ فیسکو کا نام قومی اور بین الاقوامی سطح پر مزید روشن کر سکیں۔کھیلے گئے افتتاحی میچ میں گیپکو نے ملتان کو42 مقابلے میں 52پوائنٹس سے ہرایا جبکہ دوسرے میچ میں فیسکو (فیصل آباد) کی ٹیم نے لیسکو (لاہور) کو 36کے مقابلے میں 56پوائنٹس سے شکست دی۔ آج دوپہر ایک بجے میپکو کا مقابلہ لیسکو سے جبکہ فیسکو کا مقابلہ گیپکو سے دوپہراڑھائی بجے ہو گا۔