پاکستان اور ویسٹ انڈیز کے درمیان آخری کرکٹ ٹیسٹ پرسوں شروع ہو گا

گرین شرٹس کو سیریز میں 2-0 کی فیصلہ کن برتری حاصل

جمعہ 28 اکتوبر 2016 11:45

شارجہ ۔ (اُردو پوائنٹ اخبارتازہ ترین - اے پی پی۔ 28 اکتوبر2016ء) پاکستان اور ویسٹ انڈیز کی کرکٹ ٹیموں کے درمیان تین ٹیسٹ میچوں پر مشتمل سیریز کا تیسرا اور آخری ٹیسٹ میچ اتوار سے شارجہ میں شروع ہو گا٬ گرین شرٹس کو سیریز میں 2-0 کی فیصلہ کن برتری حاصل ہے۔ پاکستانی ٹیم نے سیریز کے پہلے ٹیسٹ میں کالی آندھی کو 56 رنز اور دوسرے ٹیسٹ میں 133 رنز کے واضح مارجن سے شکست دے کر سیریز میں فیصلہ کن برتری حاصل کی تھی۔

(جاری ہے)

شاندار فتوحات کے بعد پاکستانی ٹیم کا مورال بلند ہے اور کھلاڑی کالی آندھی کو آخری ٹیسٹ میں بھی زیر کر کے ٹی ٹونٹی اور ون ڈے کے بعد ٹیسٹ سیریز میں بھی وائٹ واش کرنے کیلئے پر عزم ہیں٬ دوسری جانب شکست خوردہ ویسٹ انڈین ٹیم آخری ٹیسٹ جیت کر دورے کا شاندار انداز سے اختتام کرنے کی خواہاں ہے تاہم گرین شرٹس کی حالیہ کارکردگی کو مدنظر رکھتے ہوئے اسے آخری ٹیسٹ میں بھی فیورٹ قرار دیا جا رہا ہے۔