پاکستان اور بھارت سرحدی تنازعات بھی بات چیت سے حل کریں٬ امریکہ

بھارت اور پاکستان کے ایک دوسرے کے سفارتکاروں کو نکالے جانے سے باخبر ہیں٬ ایک دوسرے کے سفارتی ارکان کا نکالا جانا پاکستان اور بھارت کا اندرونی معاملہ ہے٬امریکی محکمہ خارجہ کے ترجمان جان کربی کی میڈیا کو بریفنگ

جمعہ 28 اکتوبر 2016 11:37

پاکستان اور بھارت سرحدی تنازعات بھی بات چیت سے حل کریں٬ امریکہ

واشنگٹن (اُردو پوائنٹ اخبارتازہ ترین - آئی این پی۔ 28 اکتوبر2016ء) امریکی محکمہ خارجہ کے ترجمان جان کربی نے کہاہے کہ بھارت اور پاکستان کے ایک دوسرے کے سفارتکاروں کو نکالے جانے سے باخبر ہیں٬ دونوں ملکوں کو سرحد پر جھڑپوں سمیت تمام تنازعات مذاکرات کے ذریعے حل کرنا چاہیے۔

(جاری ہے)

واشنگٹن میں بریفنگ کے دوران جان کربی نے کہاکہ ایک دوسرے کے سفارتی ارکان کا نکالا جانا پاکستان اور بھارت کا اندرونی معاملہ ہے۔

دونوں ملکوں کے درمیان سرحدوں پر بڑھتی ہوئی کشیدگی باعث تشویش ہے۔ انہوں نے کہا کہ امریکہکی خواہش ہے کہ پاکستان اور بھارت کے درمیان سفارتی تنازع ہو یا سرحدوں پر جھڑپیں دونوں ملکوں کو تمام تنازعات مذاکرات کے ذریعے حل کرنا چاہیے۔ انہوں نے کہا کہ امریکہ اسلام آباد اور نئی دہلی کو دو طرفہ مذاکرات کی ترغیب دیتا رہے گا۔